Tags-Dil

chāhiye jo kuchh so ho pahle hī sajde meñ husūl
aap ko gar ka.aba-e-dil kā namāzī kījiye

aañkh se aañkh jab nahīñ miltī
dil se dil ham-kalām hotā hai

kis shahr na shohra huā nādānī-e-dil kā
kis par na khulā raaz pareshānī-e-dil kā

aao kareñ mahfil pe zar-e-zaḳhm numāyāñ
charchā hai bahut be-sar-o-sāmānī-e-dil kā

dekh aa.eñ chalo kū-e-nigārāñ kā ḳharāba
shāyad koī mahram mile vīrānī-e-dil kā

pūchho to udhar tīr-fagan kaun hai yaaro
sauñpā thā jise kaam nigahbānī-e-dil kā

dekho to kidhar aaj ruḳh-e-bād-e-sabā hai
kis rah se payām aayā hai zindānī-e-dil kā

utre the kabhī 'faiz' vo ā.īna-e-dil meñ
aalam hai vahī aaj bhī hairānī-e-dil kā

ye raat hai vasl kī mirī jaañ bhare haiñ dil meñ hazāroñ armāñ
nahīñ na nikle zabāñ se haañ haañ are ye mauqa.a nahīñ nahīñ kā

tabāh vahshat meñ huuñ maiñ dar dar abhī bigaḌ jaa.e ye banā ghar
jo dil meñ rakkhūñ tujhe sitamgar to dil na rakkhe mujhe kahīñ kā

sitam thā bachpan kā vo zamāna ġhazab vo dil kā pasand aatā
vo god meñ merī loT jaanā machal machal kar kisī hasīñ kā

zabāñ se ho shukr adā kahāñ tak baḌā hī thā dil-navāz nāvak
kuchh is adā se jigar pe baiThā maza milā yār-e-ham-nashīñ kā

'rāmpūr' jī ye mat pūchho dil merā rone lagtā hai
kyā boloñ sochā hai kitnā aur us ko paayā hai kitnā

vahī madār-e-tamannā vahī sitāra-e-dil
fareb-ḳhurda-e-māzī-o-hāl-o-mustaqbil

dil-e-kushāda meñ mere ho anjuman-ārā
adū ba-rañg-e-kudūrat jahāñ na ho dāḳhil

zamīñ pe dil kī lahū ke daraḳht haiñ goyā
ye sher hote nahīñ āsmān se nāzil

tirī jānib se dil meñ vasvase haiñ
ye kutte raat bhar bhoñkā kiye haiñ

na ho māyūs ḳhushk ā.ankhoñ se ai dil
ki sahrāoñ meñ bhī dariyā bahe haiñ

ārām vo karte haiñ rulvā na mujhe ai dil
Thahreñge na vo ho kar bedār jo maiñ royā

be-tāqatī-e-dil kā kyā sharh-o-bayāñ kījiye
bīmārī numāyāñ hai bīmār kī āñkhoñ se