Tags-Dil

jo baat dil se zabāñ tak safar nahīñ kartī
usī ko sher meñ tahrīr kartā rahtā huuñ

mire dil kī dhaḌak us ke tabassum par garāñ kyuuñ ho
maiñ afsāna huuñ us kā vo mirā afsāna-ḳhvāñ kyuuñ ho

kaheñ ham kyā kisī se dil kī vīrānī nahīñ jaatī
hamārī zindagī bhī ham se pahchānī nahīñ jaatī

bahut samjhā liyā dil ko bichhaḌnā to muqaddar thā
na jaane kyuuñ mire dil se pashemānī nahīñ jaatī

bahut hī lāDlā Thahrā ye maanā dil hamārā hai
magar ab is kī har ik baat to maanī nahīñ jaatī

dil lahū hotā hai yaaro baat ye āsāñ nahīñ
lahza lahza rote guzrī aur ro.e bhī kahāñ

sabza-o-barg-o-lāla rakhte haiñ
shauq dil meñ davām tujh lab kā

dil ke kahne pe chalūñ aql kā kahnā na karūñ
maiñ isī soch meñ huuñ kyā karūñ aur kyā na karūñ

mast hai haal meñ dil be-ḳhabar-e-mustaqbil
sochtā huuñ use hushyār karūñ yā na karūñ

dil pe taarī hai ik kamāl-e-ḳhushī
shāyad apne zavāl kī hogī

aaj kahnā hai dil ko haal apnā
aaj to sab ke haal kī hogī

'jaun' dil ke ḳhutan meñ aayā hai
har ġhazal ik ġhazāl kī hogī

ham-nashīñ soz-e-ġham-e-dil kahīñ mahdūd nahīñ
kabhī sholoñ se milā hai kabhī shabnam se milā

khol kar dil jab maiñ rotā thā firāq-e-yār meñ
chashm-e-tar mamba.a thī har mū-e-mizha favvāra thā

hālat-e-dil ko bayāñ kartā kisī se maiñ to kyā
ishq meñ ik mus.haf-e-ruḳhsār ke sīpāra thā

ahl-e-ālam se hamesha 'ātish' ī.zā.eñ huiiñ
mardum-e-duniyā namak the maiñ dil-e-sad-pāra thā

haa.e vo yaad kahāñ hai ki ḳhudā ḳhair kare
dil meñ phir amn-o-amāñ hai ki ḳhudā ḳhair kare

ye daur vo hai ki dil meñ koī rakhe na rakhe
nazar meñ sab ne mujhe bahr-e-hāl rakkhā hai

dard ko ashk banāne kī zarūrat kyā thī
thā jo is dil meñ dikhāne kī zarūrat kyā thī

hone do añdherā aaj kī shab gul kar do charāġhoñ ke chehre
ham aaj ḳhud apnī mahfil meñ dil apnā hī jaltā dekheñge