Tags-Dil

ho hindū-e-ḳhāl-e-lab terā yā tark-e-nigah ho ai qātil
dehlī thā hamārā dil shāyad jo aayā vo us ko luuT gayā

nāzuk thā bahut kuchh dil merā ai 'shād' tahammul ho na sakā
ik Thes lagī thī yuuñ hī sī kiyā jald ye shīsha TuuT gayā

na ghar vaale na ham-sā.e na ahbāb-o-a.izzā haiñ
ye dil hai yā ḳhudā kī zaat jab se tum nahīñ aa.e

baiThe baiThe pareshāniyāñ baḌh ga.iiñ
dil lagāyā to tanhā.iyāñ baḌh ga.iiñ

pal-do-pal kī mulāqāt se kyā milā
aur bhī dil kī betābiyāñ baḌh ga.iiñ

huī dil kī ḳhabar dil ko ki vo bad-zan huā varna
na Tapke ashk āñkhoñ se na muñh tak harf-e-rāz aayā

bachāyā dard se majbūr kar ke tark-e-ulfat par
vo aayā dil-shikan ban kar to goyā dil-navāz aayā

tire hāthoñ shikast-e-dil meñ lutf-e-dil-navāzī hai
ye kyā kam hai ki pahlū tak tirā dast-e-darāz aayā

ġhubār-e-rāh ne āñkheñ milāne diiñ na dil bhar ke
vo mere ghar jo aayā le ke chashm-e-nīm-bāz aayā

bār-hā gor-e-dil jhañkā laayā
ab ke shart-e-vafā bajā laayā

qadr rakhtī na thī matā-e-dil
saare aalam meñ maiñ dikhā laayā

dil ki yak qatra ḳhuuñ nahīñ hai besh
ek aalam ke sar balā laayā

dil mujhe us galī meñ le jā kar
aur bhī ḳhaak meñ milā laayā

sadā rahe terā ġham salāmat yahī asāsa hai aabrū kā
ye daulat-e-dil baham na hotī to kaun pursāñ thā aarzū kā

dil abas tishna-lab hai kausar kā
piv kā chāh-e-zaqan nahīñ dekhā

dil ko niyāz-e-hasrat-e-dīdār kar chuke
dekhā to ham meñ tāqat-e-dīdār bhī nahīñ

sub.h-e-nauroz bhī dilkash hai 'urūj'
is qadar rañj na kar ḳhvāboñ kā

use ḳhabar hī nahīñ dil rah-e-mohabbat meñ
ġham-e-hayāt kā sadqa utaar aayā hai

ai hūr-e-jināñ jān-e-chaman rūh-e-nazāra
ai paikar-e-anvār-o-dil-āvez dil-ārā

maiñ ne to ye chāhā ki tujhe dil se bhulā duuñ
siine se tire naqsh-e-mohabbat ko miTā duuñ