Tags-Dil

hai phañsā jo zulf meñ us ke dil to batā deñ kyā tujhe ham-nashīñ
kabhī bal se bal kabhī ḳham se ḳham kabhī tāb-chīn se taab hai

vo ḳhafā jo ham se hai ġhuncha-lab to hamārī shakl ye hai ki ab
kabhī rañj-e-dil kabhī āh-e-jāñ kabhī chashm-e-ġham se pur-āb hai

palkeñ ujaaḌ dil hai bujhā ruuh so ga.ī
ro.e hue bhī yaaro bahut der ho ga.ī

sarv ko dekh ke kahtā hai dil-e-basta-e-zulf
ham giraftār haiñ is baaġh meñ āzād haiñ sab

āsmān-e-yās par khoyā sitāra DhūñDhnā
hai dil-e-āzurda ko chehra tumhārā DhūñDhnā

is ġham-e-daurāñ kī tārīkī meñ ai jān-e-sahar
dil hamārā kho gayā hai dil hamārā DhūñDhnā

vo ta.alluq tujh se hai dil ko ki ai marg-e-azīz
raah meñ āñkheñ bichhā terā ishāra DhūñDhnā

de ke ummīd pūchhte haiñ mujhe
dil meñ hasrat koī rahī na rahī

ek ḳhushbū dil-o-jāñ se aa.ī
ik mahak zaḳhm-e-zabāñ se aa.ī

chain se mujh ko tirā husn na jiine degā
dil kī bastī hai ki har roz luTā kartī hai

varna ek mohabbat thī
jo ham ne dil meñ chhupā kar rakkhī huī thī

is lamha-e-ruḳhsat ke dhaḌak uThne se pahle
Thahre hue dil tujh ko nishānī kareñ ham bhī

be-had ġham haiñ jin meñ avval umr guzar jaane kā ġham
har ḳhvāhish kā dhīre dhīre dil se utar jaane kā ġham

kyuuñ gardish-e-mudām se ghabrā na jaa.e dil
insān huuñ piyāla o sāġhar nahīñ huuñ maiñ

mai-kashoñ ko nashsha ho jaatā hai be-jām-o-subū
husn kī vo dil-fareb añgḌā.iyāñ dehlī meñ haiñ

bojh se jin ke pahāḌoñ ke laraz uThte haiñ dil
zindagī ke vo bhayānak imtihāñ dehlī meñ haiñ

ḳhuun ro haañ ḳhuun rotā hashr is adbār par
vo purāne taur ai dil ab kahāñ dehlī meñ haiñ

kahāñ tak ḳhāna-e-dil ab maiñ terī ḳhair mānūñgā
zarā sailāb aayā aur tire dīvār-o-dar baiThe

bahut ghūmā phirā tū phir bhī ḳhālī hai tirā kaasa
udhar to daulat-e-dil haath aa.ī ham ko ghar baiThe

ye jhoñke jin se dil meñ tāzgī āñkhoñ meñ ThanDak hai
inhī jhoñkoñ se murjhāyā huā shab bhar rahā huuñ maiñ