Tags-Dil

sharm aatī hai dil meñ sau sau baar
tauba lab par magar nahīñ aatī

na.e gul khile na.e dil bane na.e naqsh kitne ubhar ga.e
vo payambarān-e-sad inqilāb jidhar jidhar se guzar ga.e

mirī justujū ko faqīh-e-shahr batā rahā hai sharīk-e-zeher
use kyā ḳhabar ki dimāġh o dil yahī zahr khā ke nikhar ga.e

koī mausam ho un zulfoñ kī ḳhushbū le hī aatī hai
havā-e-shauq dil ke zaḳhm ko bharne nahīñ detī

karnā ho jise ki ḳhāna vīrāñ
dil meñ tire vo ghar karegā

kuchh āhaTeñ sī kahīñ ho rahī haiñ dil ke qarīb
koī to hai jo mirī bazm-e-jāñ sañvārtā hai

kyuuñ na vaa.iz ke taqaddus kā asar ho dil par
roz mai-ḳhāne meñ tasbīh paḌhā kartā hai

dil siine meñ betāb hai dildār kidhar hai
kui mujh ko batā do vo mirā yaar kidhar hai

dil chīnne vaale koī ghar baiTh raheñ haiñ
pūchheñ haiñ yahī rasta-e-bāzār kidhar hai

hujūm-e-ashk meñ miltā nahīñ dil
mirā yūsuf hai gum is kārvāñ meñ

dil ko bachā ke laa.e the saare jahāñ se ham
āḳhir meñ choT khā ga.e ik mehrbāñ se ham

un ke hī qadmoñ kī aahaT raat bhar aatī rahī
dil kī har dhaḌkan pe ham samjhe ki vo ḳhud aa ga.e

agar vo gul-badan mujh paas ho jaave to kyā hove
zamīn-e-dil meñ tuḳhm-e-ishq bo jaave to kyā hove

pilā jām-e-sharāb-e-aish vo sāqī-e-bazm-ārā
ġhubār-e-ġham kuuñ lauh-e-dil suuñ ho jaave to kyā hove

dil hī āshob-e-zamāna kā sabab hai 'sīmāb'
dil na hogā to koī hashr na barpā hogā

tirī bevafā.ī ke baad bhī mire dil kā pyaar nahīñ gayā
shab-e-intizār guzar ga.ī ġham-e-intizār nahīñ gayā

maiñ samundaroñ kā nasīb thā mirā Dūbnā bhī ajiib thā
mire dil ne mujh se bahut kahā maiñ utar ke paar nahīñ gayā

tū mirā sharīk-e-safar nahīñ mire dil se duur magar nahīñ
tirī mamlikat na rahī magar tirā iḳhtiyār nahīñ gayā

mujhe us ke zarf kī kyā ḳhabar kahīñ aur jā ke hañse agar
mire hāl-e-dil pe to ro.e bin koī ġham-gusār nahīñ gayā

use kyā ḳhabar ki shikastagī hai junūñ kī manzil-e-āgahī
jo matā-e-shīsha-e-dil liye sar-e-kū-e-yār nahīñ gayā