Tags-Dil

dil ke nazdīk pare aañkh se rahne vaale
kyā ta.alluq hai tirī yaad kā barsāt ke saath

ye māh-pāre to dil ko lubhā.e jaate haiñ
jo ġham ke maare haiñ dil ko gañvā.e jaate haiñ

ajiib haal hai duniyā kī bazm kā 'ḳhurshīd'
qadam qadam pe yahāñ dil jalā.e jaate haiñ

aah dil par asar na ho jaa.e
un kī bhī aañkh tar na ho jaa.e

hijr meñ dil kā dil-shikan aalam
jo idhar hai udhar na ho jaa.e

dard-e-firāq 'ātish' taḌpā rahā hai ham ko
ik haath dil sambhāle hai ik jigar sambhāle

zaḳhm-e-dil ho ga.e nāsūr tumheñ kyā ma.alūm
tum to ho mujh se bahut duur tumheñ kyā ma.alūm

dil o diiñ thā so liyā aur bhī kuchh matlab hai
baar baar aap jo īdhar ko nazar karte haiñ

bas nahīñ ḳhuub ki aise ko dil apnā diije
aage tū jaan miyāñ ham to ḳhabar karte haiñ

terī mahfil ke bhī ādāb ki dil Dartā hai
merī āñkhoñ ne durr-e-ashk luTā.e to nahīñ

ab to is baat pe bhī sulh sī kar lī hai ki vo
na bulā.e na sahī dil se bhulā.e to nahīñ

mirā dil to tere hī paas hai tū ise khañgāl ke dekh le
vahāñ tū hī tū hai har ik taraf vahāñ kuchh bhī tere sivā nahīñ

ai mere haath ke kañgan khanak āhista āhista
dhaḌak ai dil dhaḌak lekin dhaḌak āhista āhista

kabhī zid hī nahīñ kartī koī hasrat mire dil kī
machaltī hai magar man kī lalak āhista āhista

karb se aa.ī hai naināñ meñ ye nīlāhaT bhī
dard kī niilī rageñ dil meñ rakhā karnā thā

aur kuchh zaḳhm mire dil ke havāle mirī jaañ
ye mohabbat hai mohabbat meñ shikāyat kaisī

dil to merā udaas hai 'nāsir'
shahr kyuuñ saa.eñ saa.eñ kartā hai

bahlā na dil na tīrgī-e-shām-e-ġham ga.ī
ye jāntā to aag lagātā na ghar ko maiñ

vīrāniyāñ tanhā.iyāñ mausam hai ḳhizāñ kā
anvār karo dil kī havelī to batā.ūñ

iz.hār-e-mohabbat kī talab dil meñ liye huuñ
tanhā jo mile terī sahelī to batā.ūñ