Tags-Dil

tū kaun thā kyā naam thā tujh se hameñ kyā kaam thā
hai parda-e-dil par abhī dhundlā sā ik chehra tirā

ye maj.hūl sī dostī kyā kareñ
hameñ dushmanī dil se pyārī lage

ye dil kī amānat baneñ to sahī
jo tīr-e-sitam baarī baarī lage

ġhazal aisī kah dī hai jāfar-'razā'
raqībāñ ke dil par kaTārī lage

nigār-ḳhāna-e-dil meñ hunūt kar le mujhe
ki reg-e-vaqt pe huuñ maiñ tire nishāñ kī tarah

kahīñ bujhtī hai dil kī pyaas ik do ghūñT se 'anzar'
maiñ sūraj huuñ mire hisse meñ dariyā likh diyā jaa.e

kuchh naqsh tirī yaad ke baaqī haiñ abhī tak
dil be-sar-o-sāmāñ sahī vīrāñ to nahīñ hai

ḳhush dāvat-e-yārāñ bhī hai yalġhār-e-adū bhī
kyā kījiye dil kā jo kam-āmez bahut hai

kyuuñ mish.al-e-dil 'faiz' chhupāo tah-e-dāmāñ
bujh jā.egī yuuñ bhī ki havā tez bahut hai

mirī har saañs ko sab naġhma-e-mahfil samajhte haiñ
magar ahl-e-dil āvāz-e-shikast-e-dil samajhte haiñ

ilāhī kashti-e-dil bah rahī hai kis samundar meñ
nikal aatī haiñ maujeñ ham jise sāhil samajhte haiñ

pighal kar dil lahū ho ho ke bah jaatā hai āñkhoñ se
sitam hai sham.a ko jo zīnat-e-mahfil samajhte haiñ

hamāre dil pe jo kuchh ki guzrā tumhāre dil par agar ho zāhir
tū kuchh ajab nahiñ pathar kī mānind agar yathā dil kī sun pasīje

yā dil-sitāniyāñ thiiñ aur mehrbāniyāñ thiiñ
yā kaj-adā.iyāñ haiñ yā bevafā.iyāñ haiñ

qismat kī kyā shikāyat taqdīr kā gilā kyā
jitnī burā.iyāñ haiñ dil kī burā.iyāñ haiñ

terā asar mujh meñ nazar aatā hai kyuuñ
ye soch ke dil aur ghabrātā hai kyuuñ

jab dā.eroñ meñ hī kaTī hai zindagī
dil qaid se be-bāt jhulsātā hai kyuuñ

ka.abe kī samt sajda kiyā dil ko chhoḌ kar
tū kis taraf thā dhyān hamārā kidhar gayā

shāna samajh ke kījiyo zulfoñ ko apnī yaar
uljhā hai us meñ dil ye giraftār dekhnā

dil ḳhush huā kahīñ to phir apnā ye hai shi.ār
jā kar ke baaġh meñ gul-o-gulzār dekhnā