Tags-Dil

zaḳhm dil ke agar siye hote
ahl-e-dil kis tarah jiye hote

mast-ravī ke darmiyāñ kaun qadam qadam gine
mish.al-e-dil kahāñ jalī sho.ala-e-jāñ kahāñ bujhā

'haqqī'-e-dil-girafta ke bas meñ na jaane kab nahīñ
hijr meñ shād-kām thā vasl ke darmiyāñ bujhā

buto ḳhudā se Daro sañg dil sivā na karo
ye mom dil hai hamārā ise judā na karo

tabhī ye dil tumheñ deñge batāo
zarā sī baat par rūThā karogī

ik buuñd hai lahū kī magar be-qarār hai
dil ko chhupā.e zulf-e-shikan-dar-shikan kahāñ

nayan meñ dil kī gulābī kā aks jhuum rahā hai
dukhoñ kī dhuum hai aalam sharāb-ḳhāna huā hai

ye chhāñv chhāñv na rovo 'zahīr' dil ko sambhālo
Dhalī hai shaam magar yuuñ koī divāna huā hai

zaḳhmoñ ko marham kahtā huuñ qātil ko masīhā kahtā huuñ
jo dil par guzrā kartī hai maiñ pardā pardā kahtā huuñ

dukhā dete ho tum dil ko to baḌh jaatā hai dil merā
ḳhushī hotā huuñ aisā maiñ ki hañs detā huuñ riqqat meñ

un kī ārā.ish se mere kaam ban jā.eñge kyā
dil kī gutthī shāna-hā-e-zulf suljhā.eñge kyā

arz-e-matlab ke liye ai dil zabāñ khultī nahīñ
kuchh ishāre maiñ karūñgā vo samajh jā.eñge kyā

mehmān-e-kū-e-jānāñ ho ke dil betāb hai
maiñ to samjhātā nahīñ vo bhī na samjhā.eñge kyā

dil kī bīmārī kā uqda kholnā dushvār hai
jo nahīñ samjhe vo 'sāqib' mujh ko samjhā.eñge kyā

darvāze sab dil meñ aa kar khilte the
dīvāreñ chehroñ ko dikhāne vaalī thiiñ

in bātoñ se dil kā ḳhazāna ḳhālī hai
vo bāteñ jo agle zamāne vaalī thiiñ

kah diyā sheroñ meñ 'rūbī' hāl-e-dil
vo ye bole shā.irī achchhī lagī

chain paḌtā hai dil ko aaj na kal
vahī uljhan ghaḌī ghaḌī pal pal

na huā raf.a mere dil kā ġhubār
kaise kaise baras ga.e bādal

kabhī to matl.a-e-dil se ho itnī bārish-e-ashk
ki tum bhī khul ke baraste hue khare ho jaao