Tags-Dil

tujhe husn māya-e-nāz hai dil-e-ḳhasta mahv-e-niyāz hai
kahūñ kyā ye qissa-e-rāz hai mirā ishq ḳhāna-ḳharāb hai

ye vahī hai 'sāqī'-e-shefta jo hai dil se terā farefta
ye hai terā banda gurīḳhta ki jo ḳhāksār-e-turāb hai

ham ne dil kī zamīñ ke badle meñ
apnī āñkhoñ meñ bo liye aañsū

merī āñkhoñ meñ DhūñDhiye na unheñ
apne dil meñ TaToliye aañsū

fasl-e-gul ko zid hai zaḳhm dil kā harā kaise ho
chāñdnī bhī Das rahī hai ġham kī davā kaise ho

merā sar hai is zaḳhm-e-lutf se jhukā huā
us kā dil bhī ġham se mere ohda-barā kaise ho

dil ke hāthoñ ho ke ham majbūr sadā
armānoñ kī laash uThāne lagte haiñ

dil kyuuñ ki ḳhadañg-e-nigah-e-yār se bach jaa.e
ye tiir qazā kā hai ḳhatā ho nahīñ saktā

kahne pe chale dil ke abas ye bhī na jaanā
gumrāh kabhī rāh-numā ho nahīñ saktā

vo ġham-zada bante haiñ mirī na.ash pe lekin
dil-ḳhush hai ki lab nauha-sarā ho nahīñ saktā

aise kaTtā hai jigar aise lahū hotā hai dil
kaise kaise āzmātā huuñ nafas kī dhaar ko

mujh se to dil bhī mohabbat meñ nahīñ ḳharch huā
tum to kahte the ki is kaam meñ ghar lagtā hai

taskīn-e-dil ke vāste har kam-baġhal ke paas
insāf kariye kab ta.iiñ muḳhlis haqīr ho

na vo ayādat-o-taskīñ na vo dil-e-ranjūr
na ab vo dard-e-mohabbat na vo davā.eñ rahīñ

habs to dil meñ thā lekin aañkh tap kar rah ga.ī
raat saarā shahr Duubā dard kī purvā.ī meñ

dil thā udaas ālam-e-ġhurbat kī shaam thī
kyā vaqt thā ki tum se mulāqāt ho ga.ī

vasl us kā ḳhudā nasīb kare
'mīr' dil chāhtā hai kyā kyā kuchh

hameñ yaad ho to sunā.eñ bhī zarā dhyān ho to batā.eñ bhī
ki vo dil jo mahram-e-rāz thā kahāñ rasm-o-rāh meñ jal-bujhā

kyā batā.ūñ kis tarah dil aa gayā
kyā kahūñ kaise mohabbat ho ga.ī

sitam-koshī meñ dil-sozī bhī shāmil hotī jaatī hai
mohabbat aur mushkil aur mushkil hotī jaatī hai