Tags-Dil

mirī zindagī mirī shā.irī kisī ġham kī den hai 'jāfarī'
dil o jaañ kā qarz chukā diyā maiñ gunāhgār nahīñ gayā

jigar meñ dard dil meñ Tiis dam ghuTne lagā apnā
bhalā ham ek ghar meñ aur do bīmār rahne deñ

mohabbat se hameñ nafrat hasīnoñ se hameñ vahshat
dil-āzārī kī bāteñ ab ye dil-āzār rahne deñ

ḳhayāl-e-dost na hasrat na aarzū na ummīd
ye dil hai ab kisī ujḌe hue chaman kī tarah

ajab nahīñ ki sar-e-shahr-e-ārzū 'nādir'
hamārā dil bhī jale sham-e-anjuman kī tarah

ubhreñge ek baar abhī dil ke valvale
go dab ga.e haiñ bār-e-ġham-e-zindagī se ham

ḳhūn-e-dil se dur-e-shahvār kiye haiñ paidā
maiñ ne har ahd maiñ fankār kiye haiñ paidā

jab khīñch liyā hai mujhe maidān-e-sitam meñ
dil khol ke hasrat bhī nikāle koī aa kar

haq se milnā gerve kapḌoñ upar mauqūf na.iiñ
dil ke ta.iiñ rañgo faqīrī ye hai aur sab hai libās

māyūs na ho nādān na ban dil soz-e-alam se jalne de
jo chāhne vaale haiñ un ke vo aag se khelā karte haiñ

ham kis ke hue dil kis ne liyā vo kaun hai kyā hai kyā kahiye
ye raaz abhī tak khul na sakā ham kis kī tamannā karte haiñ

kahāñ hai gul-badan mohan piyārā
ki jiyūñ bulbul hai nālāñ dil hamārā

bisāt-e-ishq-bāzī meñ mirā dil
matā-e-sabr-o-naqd-o-hosh haarā

shikasta-dil añdherī shab akelā rāhbar kyuuñ ho
na ho jab ham-safar koī to apnā bhī safar kyuuñ ho

jo thā sadā se mirā ġham-gusār aaj bhī hai
juḌā usī se mire dil kā taar aaj bhī hai

visāl-e-yār kī ḳhushiyāñ thī chand lamhoñ kī
ġham-e-habīb se dil be-qarār aaj bhī hai

vahshat-e-dil ne kāñch ke TukḌe
merī firdaus meñ bikhere haiñ

zamīñ yaḳh-basta ho jaatī hai jab jāḌoñ kī rātoñ meñ
maiñ apne dil ko sulgātā huuñ añgāre banātā huuñ

jabīñ pe aane na dete the ik shikan bhī kabhī
agarche dil meñ hazāroñ malāl rakhte the

bas ishtiyāq-e-takallum meñ bār-hā ham log
javāb dil meñ zabāñ par savāl rakhte the