Tags-Dil

motiyoñ kā thā ḳhazāna mirī chashm-e-tar meñ
ġham hai dil ko inhīñ dānoñ ke bikhar jaane kā

jab huā irfāñ to ġham ārām-e-jāñ bantā gayā
soz-e-jānāñ dil meñ soz-e-dīgarāñ bantā gayā

rafta rafta munqalib hotī ga.ī rasm-e-chaman
dhīre dhīre naġhma-e-dil bhī fuġhāñ bantā gayā

jab aañkh us sanam se laḌī tab ḳhabar paḌī
ġhaflat kī gard dil se jhaḌī tab ḳhair paḌī

pahle ke jaam meñ na huā kuchh nasha to aah
dilbar ne dī tab us se kaḌī tab ḳhabar paḌī

yuuñ hī hai nuur vahdat kā dil-e-insāñ meñ aa jaanā
ki jaise aañkh ke til meñ jahāñ-bhar kā samā jaanā

ḳhud-farebī ne be-shak sahārā diyā aur tabī.at ba-zāhir bahaltī rahī
ek kāñTā sā dil meñ khaTaktā rahā ek hasrat sī dil ko masaltī rahī

aql kī bartarī dil ne maanī to kyā us ne chāhā kabhī aql kā mashvara
dil ko jis tarah chalnā thā chaltā rahā aql har gaam par haath maltī rahī

bazm-e-hastī meñ aane ko aa.e sabhī ahl-e-dil ahl-e-dīñ shā.ir-o-falsafī
aadmī ko jo karnā thā kartā rahā aur duniyā ba-dastūr chaltī rahī

kis qadar dilrubā-numā hai dil
ḳhāna-e-ġhair ho gayā hai dil

har ghaḌī kyuuñ na zalzale meñ rahe
mash.had-e-hasrat-o-vafā hai dil

maut bhī sahal kuchh nahīñ apnī
kis liye tāqat-āzmā hai dil

maslahat is meñ ho na koī kaash
dushman-e-jān ho gayā hai dil

sab se lag chalne kī huī hai kho
kis qadar sarf-e-āshnā hai dil

shaiḳh-e-san.āñ kā yaad hai qissa
saḳht kāfir burī balā hai dil

apnī hālat meñ mubtalā huuñ aap
dil-rubā jaañ hai jāñ-rubā hai dil

balbe vāmāñdgī kī tez ravī
jaise jaane pe aa gayā hai dil

kis jafā-kār kī vafā hai jaañ
kis sitam-kash kā mudda.ā hai dil

terī ulfat kā naqd dāġh-e-jigar
merī hasrat kā ḳhūñ-bahā hai dil

kahiye kis se lagā liyā laggā
ai 'qalaq' kyuuñ ke lag chalā hai dil