Tags-Dil

kar rahe haiñ mujh se tujh-bin dīda-e-namnāk jañg
dāġh-e-dil juuñ sham.a karte haiñ judā bebāk jañg

ai chāragarān-e-asr-e-hāzir
faulād kā dil kahāñ se lā.ūñ

dilbar kuuñ itaab ḳhuub hai ḳhuub
ushshāq kuuñ taab ḳhuub hai ḳhuub

ab dil ko samjhā.e kaun
baat agarche hai ma.aqūl

dil samajhtā nahīñ mujh se nāseh
aap se samjhe to samjhā.iye aap

diip thā yā taarā kyā jaane
dil meñ kyuuñ Duubā kyā jaane

riit bhī apnī rut bhī apnī
dil rasm-e-duniyā kyā jaane

kyā kahūñ dil ne kahāñ saiñt ke rakkhā hai use
na kabhī bhūlne pā.ūñ na mujhe yaad aa.e

is taraf josh-e-mohabbat us taraf josh-e-shabāb
aa gayā haañ un pe dil be-iḳhtiyār aa hī gayā

jigar o dil kī na pūchho jigar o dil mere
nigah-e-nāz ke do tiir liye baiThe haiñ

in ke gesū dil-e-ushshāq phañsāne ke liye
jā-ba-jā halqa-e-zanjīr liye baiThe haiñ

phir vo kyā chiiz hai jo dil meñ utar jaatī hai
teġh paas un ke na vo tiir liye baiThe haiñ

zaḳhm kī baat bhī hotī to koī baat na thī
dil nahīñ phuul ki har shaḳhs ko dikhlā.ūñ maiñ

bas ho chukā ahl-e-jahāñ ab ye tamāsha kab talak
kyā chashm-e-zāhir se milā kyā dīda-e-dil vā karūñ

sīna-e-pur-soz yaksū chashm-e-giryāñ yak taraf
dil bache kyā yak taraf ātish hai tūfāñ yak taraf

daam sabze ke se bachnā tā.ir-e-dil hai muhāl
sabza-e-ḳhat yak taraf zulf-e-pareshāñ yak taraf

musta.id haiñ us but-e-tannāz par bahr-e-nisār
yak taraf sabr-o-dil-o-dīñ jān-o-īmāñ yak taraf

gard-e-rah thī miyān-e-manzil-o-dil
dhuñdle dhuñdle nuqūsh ḳhvāb ke the

ik charāġh-e-dil faqat raushan agar merā bhī hai
rahnumā merā bhī hai phir rāhbar merā bhī hai

laboñ se lagte hī ho ga.ī thī tamām sardī dil-o-jigar meñ
diyā thā saaqī ne raat ham ko kuchh aise mai kā ayāġh ThanDā