Tags-Dil

mujh se bichhaḌ ke vo bhī akelā rahā magar
chhoTī sī baat dil se nikālī nahīñ ga.ī

us ne bhī sāf-goī se dāman chhuḌā liyā
ḳhush-fahmī apne dil se bhī paalī nahīñ ga.ī

kisī ke dil se ab jazbāt kā rishta nahīñ qaa.em
hañsī bhī maslahat-āmez aañsū bhī siyāsī hai

aish kar ḳhūbāñ meñ ai dil shādmānī phir kahāñ
shādmānī gar huī to zindagānī phir kahāñ

chashm-e-mushtāq ne ye ḳhvāb ajab dekhe haiñ
dil ke ā.īne meñ sau aks haiñ sab tere haiñ

ḳhāna-e-dil meñ thā kyā kyā na ummīdoñ kā hujūm
ḳhāna vīrāñ hai to rāzī-ba-razā baiThe haiñ

sar meñ saudā hai na dil meñ aarzū kis se kahūñ
jalvateñ māñge hai tanhā.ī kise āvāz duuñ

merī hasrat koī pūchhe mujh se merā hāl-e-dil
log apne apne shaidā.ī kise āvāz duuñ

chashm-e-tar hai koī sarāb nahīñ
dard-e-dil ab koī azaab nahīñ

aazmā lo ki dil ko chain aa.e
ye na kahnā kahīñ vafā hī nahīñ

dayār-e-dil meñ nayā nayā sā charāġh koī jalā rahā hai
maiñ jis kī dastak kā muntazir thā mujhe vo lamha bulā rahā hai

kabhī āñkhoñ pe kabhī sar pe biThā.e rakhnā
zindagī talḳh sahī dil se lagā.e rakhnā

dil meñ gulshan khilā ga.e kyā kyā
yuuñ to do din ke mehmāñ the phuul

sañgam ke ilāqe se hai pahchān hamārī
ye dil to vahī gañg-o-jaman DhūñD rahā hai

abhī tū ne dil-e-shorīda ko dekhā kyā hai
mauj meñ aa.e to tūfānoñ se Takrāne chale

dekheñ ab rahtā hai kis kis kā garebāñ sābit
chāk-e-dil le ke tirī bazm se dīvāne chale

itne shāista-e-ādāb-e-mohabbat na bano
shikva aatā hai agar dil meñ to shikva bhī karo

raqs kartī ḳhvāhishoñ ke zer-e-pā
dil shikār-e-pā.emālī hī rahe

dil ke TukḌoñ ko kahāñ joḌ sakā hai koī
phir bhī āvāza-e-ā.īna-girāñ kheñchtā hai

rishta-e-teġh-o-gulū ab bhī salāmat hai 'farāz'
ab bhī maqtal kī taraf dil sā javāñ kheñchtā hai