Tags-Dil

tumhārā va.ada hai kaisā va.ada ki jis kā dil ko yaqīñ nahīñ hai
nagīn-e-be-naqsh to hazāroñ ye naqsh hai aur nagīñ nahīñ hai

talavvun ik jazr-o-mad hai ḳhud hī thapeḌoñ meñ aa phañsī hai kashtī
ḳhabar hai muddat ke Duube dil kī ki aaj tak tah-nashīñ nahīñ hai

huā jo ik dil kā daaġh raushan to ho ga.e kul charāġh raushan
ḳhayāl raushan dimāġh raushan bas ab añdherā kahīñ nahīñ hai

ab kisī dil meñ nahīñ mimbar-o-mehrāb kā ḳhabt
aise badnām hue jubba-o-dastār ki bas

ek muddat se vo vahshat hai ki bas kyā kahiye
ghar meñ ham ik dil-e-sahrā.ī liye baiThe haiñ

'qatīl' ābād jab ghar thā to kyuuñ mujh par kahīñ ġhazleñ
ye ta.ana jaate jaate de ga.ī ik dil-jalī mujh ko

vahī dil hai vahī ḳhvāhish vahī tum ho vahī maiñ huuñ
mirī duniyā meñ āḳhir inqilāb-e-āsmāñ kyuuñ ho

ḳhushī dāman-kashāñ hai dil asīr-e-ġham hai barsoñ se
hamārī zindagī kā ek hī aalam hai barsoñ se

kisī se mudda.ā-e-dil kahā ho to zabāñ kaT jaa.e
bas ik tū hai jo dil ke raaz kā mahram hai barsoñ se

kaise hoñ ḳhvāb aañkh meñ kaisā ḳhayāl dil meñ ho
ḳhud hī har ek baat kā karnā thā faisla mujhe

dil ko le kar alag hue aise
ki kabhī tum ko ham se kaam nahīñ

'bahr' bahke hue haiñ ahl-e-dil
nashsha-e-āb-e-zar mudām nahīñ

sahāfiyoñ ko kahāñ hāl-e-dil sunā baiThe
zarā sī baat ka.ī zāviyoñ se likkheñge

navāzish kaash mujh par itnī mere mehrbāñ karte
kabhī dil kī tasallī ke liye bhūle se haañ karte

fasurda yuuñ na hote ġhuncha-o-gul mausam-e-gul meñ
agar dil se chaman kī ābiyārī bāġhbāñ karte

naved-e-fasl-e-gul aate haiñ dil apnā taḌap uTThā
asīr-e-ġham haiñ varna ham bhī sair-e-gulistāñ karte

nasīm-e-sub.h gulshan meñ guloñ se kheltī hogī
kisī kī āḳhirī hichkī kisī kī dil-lagī hogī

ta.ajjub kyā lagī jo aag ai 'sīmāb' siine meñ
hazāroñ dil meñ añgāre bhare the lag ga.ī hogī

phir dil meñ tire naam kī paḌtī haiñ dhamāleñ
hotī hai mirī ruuh bhī ḳhush ḳhaak uḌā kar

sūraj ko bujhā dete ho tum shaam se pahle
aur dil se ye kahte ho ki din-rāt jalā kar