Tags-Dost

zindagī us kā zikr sunte hī
aa ga.ī ishti.āl meñ ai dost

sach kahūñ to javāb rakkhā hai
aap hī ke savāl meñ ai dost

kuchh nahīñ qīl-o-qāl meñ ai dost
mast rah apne haal meñ ai dost

yād-e-māzī meñ umr kaT jaa.e
ḳhaak hai māh-o-sāl meñ ai dost

terī sūrat dikhā.ī paḌtī hai
kyā ġhazal kyā ġhazāl meñ ai dost

dil pe ai dost qayāmat sī guzar jaatī hai
tum nigāh-e-ġhalat-andāz se dekhā na karo

use shauq thā ki kisī jazīre pe us ke naam kā phuul ho
mujhe pyaar karnā sikhā gayā mirā dost kitnā zahīn thā

jaane ai dost kyā huā ham ko
terā ġham bhī na ab rahā ham ko

havā.eñ dost ban jaa.eñ jahāñ par
vahī 'ashfāq' dil kī sar-zamīñ hai

mehr-e-ulfat ke hasīñ lamhe bhulā kar ai dost
zauq-e-hastī ko miTā luuñ to chale jā.iyegā

ḳhātir-e-dost ke unvāñ kī vazāhat kar ke
ik zarā dil ko manā luuñ to chale jā.iyegā

unheñ hargiz nahīñ miltī kabhī bhī ishq kī daulat
vo jin se zindagī meñ dost nādānī nahīñ hotī

tire baġhair vo shām-o-sahar nahīñ ai dost
koī charāġh sar-e-rahguzar nahīñ ai dost

vo raushnī ki ba-qaid-e-sahar nahīñ ai dost
tirā jamāl hai merī nazar nahīñ ai dost

kabhī udhar se jo guzre to sarsarī guzre
savād-e-tūr tirī rahguzar nahīñ ai dost

mah o nujūm bhī garm-e-safar to haiñ lekin
koī bhī un meñ mirā ham-safar nahīñ ai dost

shab-e-firāq ye mahviyatoñ kā aalam hai
kisī kī haa.e kisī ko ḳhabar nahīñ ai dost

bahānā DhūñDh liyā tujh se baat karne kā
kuchh aur maqsad-e-arz-e-hunar nahīñ ai dost

kyā lutf ki vo zulm bhī jaarī nahīñ rakhte
kyā dost haiñ kuchh laaj hamārī nahīñ rakhte

rasm ulTī hai ḳhūb-rūyoñ meñ
dost jis ke bano vo dushman hai