Tags-Dost

parvāz-hā niyāz-e-tamāshā-e-husn-e-dost
bāl-e-kushāda hai nigah-e-āshnā mujhe

'kalīm' kaun musībat meñ kis kā hotā hai
dayār-e-dost meñ koī bhī āshnā na rahā

thak gayā hai dil-e-vahshī mirā fariyād se bhī
jī bahaltā nahīñ ai dost tirī yaad se bhī

kyā DhūñDhte ho dahr meñ 'anvar' jamāl-e-dost
chande phiro chalo kisī mard-e-ḳhudā ke saath

aatā hai bū-e-dost meñ kāfir basā huā
qāsid bhī ik raqīb hai apnā sabā ke saath

is guzargāh-e-mohabbat meñ kahāñ aa gayā maiñ
dost chup-chāp barābar se nikal jaate haiñ

kyā zikr-e-vafā jafā kisī se na banī
gar dost milā to mudda.ī se na banī

ab vo titlī hai na vo umr ta.āqub vaalī
maiñ na kahtā thā bahut duur na jaanā mire dost

tirī ḳhud-pasandī mirī vaz.a-dārī tirī be-niyāzī mirī dost-dārī
junūn-e-muravvat ba-har-rañg taarī musībat nahīñ hai to phir aur kyā hai

ye hamārā shahr jo shahr-e-'kalīm'-o-'shād' hai
dost is kā āj-kal charḳh-e-sitam-ījād hai

allāh allāh dost ko merī tabāhī par ye naaz
sū-e-dushman dekhtā hai daad paane ke liye

ye jo maiñ itnī sahūlat se tujhe chāhtā huuñ
dost ik umr meñ miltī hai ye āsānī bhī

aaj tak hai ġham taaza dost se bichhaḌne kā
ab bhī āñkheñ rotī haiñ zaḳhm-e-dil-farozāñ haiñ

ab tirī nazr karūñ kyā ai dost
ab mirī āñkhoñ meñ aañsū bhī nahīñ

ḳhvāboñ ne jo ik khel banāyā thā mire dost
is khel meñ ta.abīr se maiñ haar gayā huuñ

ab agar khul hī ga.e ho to chalo yūñhī hī sahī
varna tum dost to pahle bhī rahe kab mere

pesh-e-ā.īna masahrī pe khule gesū-e-nāz
duur bādal meñ koī hūr-e-pareshāñ ai dost

saaz hāthoñ meñ uThāyā tirī añgḌā.ī ne
chūḌiyāñ pahlū badalte hī ġhazal-ḳhvāñ ai dost

naqsh hai vaqt kī peshānī pe ahd-e-rañgīñ
ham se go ruk na sakī umr-e-gurezāñ ai dost

be-ḳhabar sone meñ vo jism khulā shānoñ tak
jaise jannat kā na ho koī nigahbāñ ai dost