Tags-Dost

aish-e-rafta kā yahī hai vo shabistāñ ai dost
yahīñ ḳhvābīda thī ārām-e-dil-o-jāñ ai dost

roknā ghar tujhe jaane se ba-ḳhauf-e-hijrāñ
jāguzīñ dil meñ tire yaad azīzāñ ai dost

muḳhtalif vaz.a tire husn ko malbūs ne dī
shauq ke maiñ ne tarāshe ka.ī unvāñ ai dost

pesh-e-ā.īna masahrī pe khule gesū-e-nāz
duur bādal meñ koī hūr-e-pareshāñ ai dost

bahut charche the yāroñ meñ mirī jādū-bayānī ke
huzūr-e-dost merī be-zabānī dekhte jaao

adā-e-jaur-e-mohabbat meñ nāgavār nahīñ
ḳhulūs chāhiye ai dost barhamī ke liye

dost dushman sabhī the bālīñ par
haa.e tū ne na ik nazar dekhā

kuchh is liye bhī akelā sā ho gayā huuñ 'nadīm'
sabhī ko dost banāyā hai dushmanī nahīñ kī

jis din se dost rakhtā huuñ us ko hijāb-e-husn
apnā hamesha dushman-e-dīdār hī rahā

dost har aib chhupā lete haiñ
koī dushman bhī tirā hai ki nahīñ

us ko laa.eñ to ek baat bhī hai
varna sab dost āshnā jhūTe

shām-e-vidā-e-dost kā aalam na pūchhiye
dil ro rahā thā lab pe hañsī kheltī rahī

jaate haiñ nā-murād tire āstāñ se ham
ai dost phir mileñge agar zindagī rahī

ai dost rāh-e-zīst meñ chal ehtiyāt se
girte hue ko koī yahāñ thāmtā nahīñ

ab kisī dost se koī shikva nahīñ
vaqt ke saath sab zaḳhm bharne lage

uf re zauq-e-justujū allāh re shauq-e-kū-e-dost
gard-e-rah pīchhe rahī jaatī hai mujh se chhūT kar

jo vaqt par hī na kaam aa.eñ to dost kyā haiñ aziiz kyā haiñ
kisī dukāñ par nahīñ chale jab ye khoTe sikke to log samjhe

kuchh aa hī gayā dost kā dushman kā salīqa
ehsān tirā gardish-e-ayyām bahut hai

dost mirā kyuuñ saath nibhāte
jab maiñ un ko chhoḌ chukā huuñ

kisī kī madh-bharī āñkhoñ se kyā milī āñkheñ
samajh rahe haiñ mire dost bāda-ḳhvār mujhe