Tags-Dost

māyūs tamannāoñ ko ai dost tirī yaad
jaise ufq-e-bīm pe ik aḳhtar-e-ummīd

ai tan-parast jāma-e-sūrat kasīf hai
bazm-e-huzūr-e-dost meñ kapḌe badal ke chal

shām-e-visāl dost kahāñ kho ga.ī 'shamīm'
vīrānī-e-hayāt kī is dopahar se pūchh

Thiik hai ham ik-dūsre ke mahbūb nahīñ
lekin mere dost to ab bhī honā kyā

ek din tū bhī kisī taare se Takrā jā.egā
dost mere raat kī galiyoñ meñ yuuñ ghūmā na kar

jaanā ki dost hī thā masīhā ke ruup meñ
dil par rakhā jo haath jalan aur baḌh ga.ī

ab vo mahbūb nahīñ apnā magar dost to hai
us se ye ek ta.alluq hī bahar-sū rakkho

na kahā jaa.e ki dushman na kahā jaa.e ki dost
kuchh samajh meñ nahīñ aatā hai 'asar' kaun hai vo

tire ḳhayāl meñ rahtā huuñ maiñ jo gum ai dost
mujhe zamāne kī kuchh bhī ḳhabar nahīñ hotī

mujh ko ma.alūm hai ai dost uThā letā hai
mere hisse ke sabhī barg-o-samar ya.anī tū

yahī soch kar maiñ huuñ mutma.in tahī-dast phir bhī nahīñ huuñ maiñ
mire dost go ki chale ga.e ġham-e-dostāñ mire saath hai

maiñ pūchhtā huuñ merā nanhā dost

jiine vaale tire baġhair ai dost
mar na jaate to aur kyā karte

TuuT jaa.e na kisī zaḳhm kā Tāñkā ai dost
kaam ham zabt se hañgām-e-rafū lete haiñ

sab mire hāl-e-pareshāñ kā uḌāte haiñ mazāq
ai ġham-e-dost mirī hausla-afzā.ī kar

aisā ehsās-e-ziyāñ to kabhī guzrā hī na thā
dost kyā hue aġhyār kahāñ kho ga.e haiñ

ai dost merī talḳh-navā.ī pe tū na jā
shīrīñ misāl-e-ḳhvāb-e-sahar huuñ zarā Thahar

ai musībat terā aanā bhī hai goyā mo.ajiza
dost aur dushman ke saare farq pahchāne ga.e

bad-gumāñ ho ke mil ai dost jo milnā hai tujhe
ye jhijhakte hue milnā koī milnā bhī nahīñ

merī havas ke andarūñ mahrūmiyāñ haiñ dost
vāmāñda-e-bahār huuñ ghaTiyā kahe so huuñ