Collections

Lab Shayari

Motivational Ghazals

Best Khamoshi Shayari

More Collections

Tags-Dost

maiñ to baiThā thā har ik shai se kinārā kar ke
vaqt ne chhoḌ diyā dost tumhārā kar ke

main to baiTha tha har ek shai se kinara kar ke

ai dost kahīñ tujh pe bhī ilzām na aa.e
is merī tabāhī meñ tirā naam na aa.e

ai dost kahin tujh pe bhi ilzam na aae

jab tak mirī nigāh meñ terā jamāl hai
ai dost merā hosh meñ aanā muhāl hai

jab tak meri nigah mein tera jamal hai

chaman meñ rakhte haiñ kāñTe bhī ik maqām ai dost
faqat guloñ se hī gulshan kī aabrū to nahīñ

chaman mein rakhte hain kanTe bhi ek maqam ai dost

mujh ko āshiq kah ke us ke rū-ba-rū mat kījiyo
dostāñ gar dost ho to ye kabhū mat kījiyo

mujhko aashiq kah ke uske ru-ba-ru mat kijiyo

kyā ḳhush rahā maiñ dost kī tasvīr jaan kar
thī kal jo mah kī jalva-numā.ī tamām raat

thi aasman pe meri chaDhai tamam raat

bahut aziiz the ham ko hamāre dost magar
ik ajnabī ke liye sab se chhuT ga.e the ham

azal abad se bahut dur jhumte the hum

sab milte-julte chehre haiñ dushman bhī dost bhī
qātil kise batā.eñ masīhā kise kaheñ

dil ka sukun aankh ka tara kise kahen

tere dar kā gadā jo hai ai dost
aish kartā hai bādshā.ī kā

naqsh-e-dil hai sitam judai ka

aa ġham-e-dost usī moḌ pe ho jā.ūñ judā
jo mujhe merā hī rahne de na terā rakkhe

zindagi tujh pe ab ilzam koi kya rakkhe

zarā visāl ke ba.ad aa.ina to dekh ai dost
tire jamāl kī doshīzgī nikhar aa.ī

ruki ruki si shab-e-marg KHatm par aai

dostī chāhat vafā is daur meñ
kaam rakh ai dost apne kaam se

wo baDe bante hain apne nam se

muhtāj-e-tavajjoh mirī har nargis-e-maḳhmūr
ai dost javāñ huuñ maiñ javāñ huuñ maiñ javāñ huuñ

farzana hun aur nabz-shanas-e-do-jahan hun

panchhī panchhī sahm gayā
dost ye achchhā gulshan hai

aap kahen to gulshan hai

dāstān-e-ishq ko 'bekal' na de gītoñ kā ruup
dost haiñ bebāk sab lahje churā le jā.eñge

hum chaTanon ki tarah sahil pe Dhaale jaenge

vasl hī vasl rahe hijr kā imkān na ho
ai mire dost ye rishta kabhī be-jān na ho

wasl hi wasl rahe hijr ka imkan na ho

hai vo safar jo ishq ko jānib dost le chale
varna safar ke vāste kaun sī rahguzar nahīñ

qaid-e-gham-e-hayat se ahl-e-jahan mafar nahin

use paañv jamāne ko kināra mil gayā hai
banegā dost ab dushman ishāra mil gayā hai

use panw jamane ko kinara mil gaya hai

ai dost zindagī kī mujhe bad-duā na de
maiñ ḳhaak ho chukā huuñ muqaddar liye hue

pahuncha main ku-e-yar mein jab sar liye hue

vo merā dost hai saare jahāñ ko hai ma.alūm
daġhā kare vo kisī se to sharm aa.e mujhe

wo mera dost hai sare jahan ko hai malum