English
Favourite
Favourite
UrduShayarUrduShayar
Expand menu
Sign inAccount

Tags-Dua

sharīk-e-ġham sab hue haiñ lekin ye vaqt vo hai
ki jis meñ darkār aur kuchh hai duā se aage
Ghazal
 ghuTi ghuTi KHak mein dabi is sada se aage
yā-rab ġham-e-hijrāñ meñ itnā to kiyā hotā
jo haath jigar par hai vo dast-e-duā hotā
Ghazal
 ya-rab gham-e-hijran mein itna to kiya hota
majbūr ham the aur vo muḳhtār thā magar
donoñ ke beach dast duā kā savāl thā
Ghazal
 uski wafa na meri wafa ka sawal tha
ab kahāñ aisī tabī.at vaale
choT khā kar jo duā karte the
Sher
 ab kahan aisi tabiat wale
umr-e-jāved kī duā karte
'faiz' itne vo kab hamāre the
Ghazal
 humne sab sher mein sanware the
duāoñ ke bharose par bigaḌte kaam bante haiñ
davā be-sūd Thahre to duā kī baat hotī hai
Ghazal
 ada-e-husn ki husn-e-ada ki baat hoti hai
kahīñ kahīñ se mohabbat vasūl hone lagī
duā jo kī hī nahīñ thī qubūl hone lagī
Ghazal
 kahin kahin se mohabbat wasul hone lagi
jo haath aaj mujhe thāmte nahīñ haiñ 'shabī'
ga.e dinoñ meñ to un kī duā rahī huuñ maiñ
Ghazal
 diya munDer pe dil ki jala rahi hun main
qatl hone se bachā chāhtī hai
merī tanhā.ī duā chāhtī hai
Ghazal
 raushni meri hua chahti hai
chāñdnī kī bad-duā apnā asar dikhlā ga.ī
kis qadar tārīkiyāñ haiñ chāñd par dekhegā kaun
Ghazal
 dur tak suni paDi hai rahguzar dekhega kaun
nahīñ māñgeñge tujh ko ab duā meñ
ḳhudā se ham ne jhagḌā kar liyā hai
Ghazal
 KHushi mein yun izafa kar liya hai
har shaḳhs ban gayā hai ḳhudā tere shahr meñ
kis kis ke dar pe māñgīñ duā tere shahr meñ
Ghazal
 har shaKHs ban gaya hai KHuda tere shahr mein
us ko maiñ māñgtā huuñ sajde meñ sar jhukā ke
dast-e-duā uThā ke vo māñgtā hai mujh ko
Ghazal
 hasrat bhari nazar se wo dekhta hai mujhko
duā salām chalā maiñ ki mere hone se
tirā vaqār tirī ḳhud-nigāhī jaatī hai
Ghazal
 do ek sal hi ek se sarahi jati hai
sochtā huuñ ki use jab na mile sharaf-e-qubūl
kin ḳhalāoñ meñ bhaTaktī hai duā āvāra
Ghazal
 humse pahle to koi yun na phira aawara
tere aane kī duā māñgā kabhī jaagā kiye
rāt-bhar aalam rahā ai but ḳhudā.ī raat kā
Ghazal
 main gila tum se karun ai yar kis kis baat ka
kyā din haiñ ki ab maut kī ḳhvāhish hai barābar
kyā din the ki jab jiine kī kartā thā duā maiñ
Ghazal
 nazron mein kahan uski wo pahla sa raha main
jab se aa.ī hai nazar mujh ko duā kī shāḳh par
koñpal asar kī
Nazm
 dua ki shaKH par
har soch hai ik gumbad-e-ehsās meñ gardāñ
aur gumbad-e-ehsās meñ dar harf-e-duā hai
Ghazal
 kab kaun kahan kis liye zanjir-bapa hai
piine deñ mai-kashoñ ko jahāñ bhī piyā kareñ
sajda vuzū kareñ na kareñ bas duā kareñ
Ghazal
 pine den mai-kashon ko jahan bhi piya karen
Top Urdushayar.com