Tags-Dua

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

kyuuñ hoñT pe daryūza-gar-e-saut-o-sadā haiñ
jo āhaTeñ be-nām huiiñ dast-e-duā meñ

mudda.ā koī na thā tere sivā kyā karte
dil dhaḌaktā hī rahā harf-e-duā se pahle

bāb-e-rahmat pe duā girya-kunāñ ho jaise
gum-shuda beTe kī muztar koī maañ ho jaise

maiñ sarāpā huuñ duā tū mirā maqsūd-e-duā
baat yuuñ kar ki mirī baat mukammal ho jaa.e

mahrūm rakhā thā mujhe merī hī anā ne
jo uTh na sakā thā vo mirā dast-e-duā thā

duā ko haath uThā.e hī the ba-vaqt-e-sahar
ki ik sitārā mire haath par utar aayā

dasht kī bad-duā na lo logo
peḌ kahtā hai kyā suno logo

hosh jaate rahe 'mumtāz' ke shāyad logo
asr-e-hāzir meñ vo jiine kī duā māñge hai

tifl-e-dil kī duā likhe jis ko
us ġhazal kā schōl huuñ maiñ to

muqaddar kahīñ kaj-kulāhī kare
koī ghar meñ mahv-e-duā rah gayā

sad-shukr ki ḳhush-uslūbī se takmīl ko pahuñchī rusvā.ī
muhtāj-e-duā the jo ḳhud hī āḳhir vo mire ġham-ḳhvār hue

bar-sar-e-rāh hai mirī turbat
haath bahr-e-duā uThā jaanā

kaun kahtā hai sāhab davā se chalā
vo hamārī tumhārī duā se chalā

māñgoñ duā-e-marg to āmīñ kahe adū
ab un kī bad-duā hai mire mudda.ā ke saath

ye kyā ki harf-e-duā pe bhī barf jamne lagī
koī sulagtā sharāra nafas meñ de de tū

zabāñ pe shikva-e-be-mehrī-e-ḳhudā kyuuñ hai?
duā to māñgiye 'ātish' kabhī duā kī tarah

itnā bhī na ho sehn ki dar tak maiñ pahuñch kar
dar kholūñ to darvesh-e-duā-go hī chalā jaa.e

ḳhudā jaane duā thī yā shikāyat lab pe bismil ke
nazar sū-e-falak thī haath meñ dāmān-e-qātil thā

jalā.e rakh charāġh-e-ārzū yuuñ
duā paḌhnā davā hone se pahle