Tags-Dua

duā ko haath uThāte nahīñ har ik ke liye
to ye bhī sach hai ki ham bad-duā nahīñ karte

lo faqīroñ kī duā har tarah ābād raho
ḳhud raho maujeñ karo taaze raho shaad raho

lab pe 'nīlam' ke har dam yahī hai duā aise bandoñ meñ rakhnā use bhī sadā
jin pe terī ināyat kā hai silsila terī rahmat kī jin par nazar ho ga.ī

mere dil meñ gahrā.ī tak zaḳhm haiñ andhī ḳhvāhish ke
aur abhī hoñToñ pe rahegā zahr-e-duā bhī kitnī der

aaj chaltī huuñ ḳhudā ke paas maiñ
ai duā tanhā na jā achchhā Thahar

kaun detā hai mohabbat ko parastish kā maqām
tum ye insāf se socho to duā do ham ko

ḳhairāt bhī milī na jahāñ se tamām umr
'aḳhtar' vahīñ pe aaj bhī baiThā duā kare

jab ki taqdīr aTal hai to duā kyā ma.anī
zehn is falsafe ko hal nahīñ hone detā

kah do is ahd ke buzurgoñ se
zindagī kī duā na dī jaa.e

ye kis mast ke aane kī aarzū hai
ki dast-e-duā aaj dast-e-subū hai

kuchh to rishta hai tum se kam-baḳhtoñ
kuchh nahīñ koī bad-duā bhejo

duā ke pardoñ meñ dard ginñe lagā to dekhā
ki dard-e-ishqāñ har ek dukh meñ chhupā huā hai

ik zindagī-gazīda se ye dushmanī na kar
ai dost mujh ko umr-e-abad kī duā na de

ḳhair se paar lage kashtī-e-zīst
bas yahī ek duā kartā huuñ

ab tak to apne aap se pīchhā na chhuT sakā
mumkin hai kal se aap ke haq meñ duā karūñ

adāvatoñ meñ jo ḳhalq-e-ḳhudā lagī huī hai
mohabbatoñ ko koī bad-duā lagī huī hai

mere bhī kyā nasīb ki vaqt-e-duā 'muhīt'
sheroñ kā thā nuzūl mujhe hārnā paḌā

duā ke ba.ad bhī ye iltijā hai
ziyāda kah gayā ab kuchh samajh le

jaan tum par nisār kartā huuñ
maiñ nahīñ jāntā duā kyā hai

maiñ kisī darvesh ke lab kī duā ho jā.ūñgā
be-sahārā zindagī kā aasrā ho jā.ūñgā