Collections

Lab Shayari

Motivational Ghazals

Best Khamoshi Shayari

More Collections

Tags-Dua

'jamīl' un se ta.āruf to ho gayā lekin
ab un ke baad kisī se duā salām na ho

agar ye zid hai ki mujhse dua salam na ho

maiñ kyā karūñ mire qātil na chāhne par bhī
tire liye mire dil se duā nikaltī hai

main kya karun mere qatil na chahne par bhi

ham duā amn kī māñgte haiñ magar
aap bhī apnī paa.el ko samjhā.iyo

waqt-e-aKHir jo baalin par aajaiyo

asīr-e-band-e-zamāna huuñ sāhabān-e-chaman
mirī taraf se guloñ ko bahut duā kahiye

chaman hai maqtal-e-naghma ab aur kya kahiye

jaane kis kī bad-duā 'parvez'-rahmānī lagī
dekhte hī dekhte ahbāb patthar ho ga.e

KHushbuon ka shahr ujDa ghar se be-ghar ho gae

mere dushman kī hai talvār mirī gardan par
aur tū hai ki mujhe harf-e-duā bhejtā hai

mujhko manzar ke sile mein wo sada bhejta hai

samundar ko dikhā kar aag ab kyuuñ
duā kī bārishoñ ko ro rahe ho

samundar mein khaDe ho ro rahe ho

maskan kiye hue hai kisī kī duā yahāñ
āñkhoñ se jiite jī to ye hairat na jā.egī

kab tak dimagh-e-husn ki naKHwat na jaegi

zāhido vird-vazā.if se nahīñ hāsil-e-kār
jis ko ho husn-e-ijābat vo duā aur hī hai

ishq ke shahr ki kuchh aab-o-hawa aur hi hai

fazā meñ haath to uTThe the ek saath ka.ī
kisī ke vāste koī duā na kartā thā

faza mein hath to uTThe the ek sath kai

har lamha māñgte haiñ duā dīd-e-yār kī
yād-e-butāñ bhī dil meñ hai yād-e-ḳhudā ke saath

shoKHi shabab husn tabassum haya ke sath

havas shāmil hai thoḌī sī duā meñ
abhī is lau meñ halkā sā dhuāñ hai

samaat ke liye ek imtihan hai

yaqīñ kī saltanat thī aur sultānī hamārī
damaktī thī duā kī lau se peshānī hamārī

yaqin ki saltanat thi aur sultani hamari

har duā ko mere haq meñ bad-duā honā hī thā
ab kisī se kyā gila jo kuchh huā honā hī thā

main bhi kya karta ki isko bewafa hona hi tha

uThāo haath ki dast-e-duā buland kareñ
hamārī umar kā ik aur din tamām huā

shisha ka aadmi

marne meñ mazā hai magar itnā to nahīñ hai
'alvī' tumheñ qātil ko duā denā chāhiye

jati hui laDki ko sada dena chahiye

zindagī marg-e-musalsal hai magar ai 'tābish'
haa.e vo log jo jiine kī duā dete haiñ

dekhiye ahl-e-mohabbat hamein kya dete hain

pahlā sā vo junūn-e-mohabbat nahīñ rahā
kuchh kuchh sambhal ga.e haiñ tumhārī duā se ham

hain aise bad-hawas hujum-e-bala se hum

is jahāñ meñ pyaar mahke zindagī baaqī rahe
ye duā māñgo diloñ meñ raushnī baaqī rahe

is jahan mein pyar mahke zindagi baqi rahe

mujh se chhin jāoge tum dil ko ye ḳhadsha bhī nahīñ
kis ne chhīnī hai duā tum to duā lagte ho

apne andaz mein auron se juda lagte ho