Tags-Dua

qubūl hogī duā hamārī kareñge jis dam ham āh-o-zārī
kabhī na jā.egī uupar uupar hamārī hājat ravā kareñge

kahīñ Thikānā nahīñ hamārā tumhārī shafqat kā hai sahārā
ġharīb haiñ do hameñ dilāsā tumhāre haq meñ duā kareñge

luqmān-o-masīhā ne bhī koshish to bahut kī
hotā hai asar us pe duā kā na davā kā

zabāñ kaTtī hai jis dar par sadā dete duā dete
gadā kahlāte haiñ 'hirmāñ' ham us bedard ke dar ke

thī mirī ham-safrī ek duā us ke liye
ye bichhaḌnā hai baḌī saḳht sazā us ke liye

tum ne kyuuñ bārūd bichhā dī dhartī par
maiñ to duā kā shahr basāne vaalā thā

ai faqīr-e-dayār-e-lailī-jāñ
mire haq meñ bhī kuchh duā kar de

vo jin ke naam se ham zahr pī ga.e 'nayyar'
ham un ke haq meñ kabhī bad-duā nahīñ deñge

sabab hai ek hī merī har ik tamannā kā
bas ek naam hai 'āsim' ki har duā meñ hai

rāhbar kyā kare duā ke sivā
sab haiñ kaj-rau shikasta-pā ke sivā

mirī ḳhātir duā karnā mire dost
kisī din ḳhud ko sach meñ bhuul jā.ūñ

likkhā hai jo taqdīr meñ hogā vahī ai dil
sharminda na karnā mujhe tū dast-e-duā kā

shāyad ki ab aa.e tirī qurbat kī na.ī fasl
is baar duā bāb-e-asar le ke ga.ī hai

yaqīnan maut ke har aks par vo ḳhaak Dālegā
duā se jis kī maiñ ab tak na jiitā huuñ na martā huuñ

shahr-e-gum-gashta kā vo katba jo hai gard-ālūd
har musāfir use jiine kī duā detā hai

har baḌā bachchoñ ko jiine kī duā detā hai
ham bhī shāyad isī virse kī sazā paate haiñ

duā.eñ dete haiñ ham dil se teġh-e-qātil ko
lab-e-jarāhat-e-dil ko lab-e-duā samjho

āḳhir duā kareñ bhī to kis mudda.ā ke saath
kaise zamīñ kī baat kaheñ āsmāñ se ham

duā karte hue shab shab
sadā jis ne guzārī hai

tum miyāñ 'mus.hafī' ruḳhsat to hue
ab khaḌe kyuuñ ho duā kījiye bas