Collections

Lab Shayari

Motivational Ghazals

Best Khamoshi Shayari

More Collections

Tags-Dua

maiñ vo mahrūm-e-mohabbat huuñ ki 'anvār' mirī
jo duā hai vahī mahrūm-e-asar hotī hai

ab tere hijr mein yun umr basar hoti hai

baat niyyat kī sirf hai varna
vaqt saare duā ke hote haiñ

qurb ke na wafa ke hote hain

duā gadā-e-asar hai gadā pe takiya na kar
ki e'timād-e-asar kyā milā milā na milā

kisi ke ek ishaare mein kis ko kya na mila

jaañ ḳhud-shanās ho to duā meñ asar bhī hai
maiñ jal rahā huuñ tujh ko mirī kuchh ḳhabar bhī hai

jaan KHud-shanas ho to dua mein asar bhi hai

jo duā ko haath uThā.e bhī to murād yaad na aa sakī
kisī kārvāñ kā jo zikr thā vo pas-e-ġhubār kahāñ rahā

jo charagh sare bujha chuke unhen intizar kahan raha

ilāhī zindagī yūñhī mohabbat meñ guzar jaa.e
namāz-e-fazr paḌh kar ye duā karte the ham donoñ

sunahre KHwab aankhon mein buna karte the hum donon

ajal kī duā har ghaḌī māñgte haiñ
ġham-o-dard-o-rañj-o-ta.ab chāhte haiñ

mohabbat mein aaram sab chahte hain

bahut din ho ga.e 'arshad' vo mukhḌā chāñd sā dekhe
duā karnā koī dīdār kī sūrat nikal aa.e

kisi surat agar izhaar ki surat nikal aae

kisī azaab se kam to nahīñ hai ḳhush rahnā
duā ke naam pe kyuuñ us ko bad-duā detī

aziyyaton se nikalne ka mashwara deti

duā ke haath bhī shal ho ga.e magar ai 'nāz'
vahī zamīn vahī āsmān baaqī hai

na koi tir na koi kaman baqi hai

aise buzurg baḳht rahā jin kā nā-rasā
aisoñ se zindagī kī duā lenā chāhiye

dil ki zaban se usko sada dena chahiye

phuul kī pattī pe likkhūñ nazm jaisī ik duā
haath uThāne ke liye mujh ko bahānā chāhiye

manzaron ke darmiyan manzar banana chahiye

be-navā haiñ ki tujhe saut-o-navā bhī dī hai
jis ne dil toḌ diye us ko duā bhī dī hai

be-nawa hain ki tujhe saut-o-nawa bhi di hai

ġharīb-o-ḳhasta magar usī ko
davā bhī samjhe duā hī jaane

mohabbat

ajab surūr milā hai mujhe duā kar ke
ki muskurāyā ḳhudā bhī sitāra vā kar ke

ajab surur mila hai mujhe dua kar ke

gar duā bhī koī chiiz hai to duā ke havāle kiyā
jā tujhe aaj se ham ne apne ḳhudā ke havāle kiyā

gar dua bhi koi chiz hai to dua ke hawale kiya

koī duā hai yā phir bad-duā hai mere liye
ye kaun pichhle pahar ro rahā hai mere liye

koi dua hai ya phir bad-dua hai mere liye

mauj-e-shamīm haiñ na ḳhirām-e-sabā haiñ ham
Thahrī huī guloñ ke laboñ par duā haiñ ham

mauj-e-shamim hain na KHiram-e-saba hain hum

ye kamāl-e-pairavī-e-alī ye farāḳh-hauslagī tirī
ki ḳhud apne dushman-e-jāñ ko bhī vahī armuġhān-e-duā diyā

gandhi

maiñ ne din raat ḳhudā se ye duā māñgī thī
koī aahaT na ho dar par mire jab tū aa.e

maine din raat KHuda se ye dua mangi thi