Tags-Dua

dasht-e-duā meñ tere parastār rah ga.e
sho.aloñ ke ābshār meñ gulnār rah ga.e

furāt-e-fāsila se dajla-e-duā se udhar
koī pukārtā hai dasht-e-nainavā se udhar

kabhī milā na koī guftugū huī jis se
vo kaun hai jo mirī har duā meñ shāmil hai

tum ḳhvāb se do-qadam nikal kar
chhup jaao duā ke aa.ine meñ

ye duā hai qafas meñ barā-e-chaman ki guloñ se ḳhudā na chhuḌā.e chaman
mujhe rakhtī hai zinda havā-e-chaman gul-o-ġhuncha-o-bād-e-sabā kī qasam

har koī yuuñ to hai bar-gashta-e-hālāt magar
har koī jiine kī har lahza duā māñge hai

shaiḳh ka.abe meñ ye duā māñgo
'mehr' ho but-kada ho duniyā ho

duā ke haath hī jaise diyā sambhālte haiñ
mohabbatoñ meñ vo uslūb-e-ehtiyāt us kā

kisī ko koste kyuuñ ho duā apne liye māñgo
tumhārā fā.eda kyā hai jo dushman kā zarar hogā

laboñ pe harf-e-duā raakh ho gayā lekin
diloñ meñ zaḳhm kī sūrat utar gayā paanī

mujh ko jaltā makāñ dikhā.ī diyā
maiñ ne kī thī duā charāġh jale

sunā hai tishnagī bhī ik duā hai
laboñ par shabd jis ke par-fishāñ haiñ

jo āsmān bhī TuuTā girā mirī chhat par
mire makāñ se kisī bad-duā kā rishta thā

zaḳhm aur peḌ ne ik saath duā māñgī hai
dekhiye pahle yahāñ kaun harā hotā hai

duā duā vo chehra
hayā hayā vo āñkheñ

bas ek huuk sī dil se uThe ghaTā kī tarah
ki harf o saut zarūrī nahīñ duā ke liye

dushman-e-jāñ hī sahī dost samajhtā huuñ use
bad-duā jis kī mujhe ban ke duā lagtī hai

roz-e-avval se huuñ maiñ sabz-e-mohabbat kā asiir
sāya-afgan hai daraḳhtoñ kī duā mere saath

mirī taḌap ko samajhtā thā ik ibādat vo
mujhe bhī us kī mohabbat duā sī lagtī thī

maañ ke hoñToñ se thī niklī dam-e-ruḳhsat jo duā
mujh ko ab tak vo duā saath liye phirtī hai