Tags-Duniya

duniyā meñ koī rañj se baḌh kar ḳhushī nahīñ
vo bhī hameñ nasīb kabhī hai kabhī nahīñ

dushman kī raah rok ke baiThā huuñ aaj maiñ
duniyā kā rāsta hai tumhārī galī nahīñ

āshiq ke dam se husn kī duniyā ko hai faroġh
bulbul nahīñ to raunaq-e-gulzār hī nahīñ

jannat se kuchh ġharaz hai na duniyā se vāsta
ma.ashūq apnā huur nahīñ hai parī nahīñ

daf.atan gūñjī sadā phir ālam-e-anvār meñ
aurteñ duniyā kī hāzir hoñ mire darbār meñ

ab ḳhaak qadam majbūroñ kī barsā.egī duniyā par sonā
ab atlas kī qismat hogī pairāhan-e-mehnat-kash honā

mire dam tak vafā o ishq bhī duniyā meñ baaqī haiñ
masīhā.ī yahī hai vo mujhe bīmār rahne deñ

ye nahīñ to pher le āñkheñ ye jalva aur hai
terī duniyā aur hai shā.er kī duniyā aur hai

ākāsh ke taare bujhte haiñ dhartī se dhuāñ sā uThtā hai
duniyā ko ye lagtā hai jaise sar se koī saayā uThtā hai

insāñ vo uThā jis kā saanī sadiyoñ meñ bhī duniyā jan na sakī
mūrat vo miTī naqqāsh se bhī joban ke dobāra ban na sakī

jis saañs meñ duniyā jaañ paa.e us saañs kī nik.hat kyā kahiye
jis maut pe hastī naaz kare us maut kī azmat kyā kahiye

apnoñ ke liye jām-o-sahbā auroñ ke liye shamshīr-o-tabar
nard-e-insāñ Taptī hī rahī duniyā kī bisāt-e-tāqat par

hinsā ko ahinsā kā apnī paiġhām sunāne aayā thā
nafrat kī maarī duniyā meñ ik prem sandesa laayā thā

tū chup hai lekin sadiyoñ tak gūñjegī sadā-e-sāz tirī
duniyā ko añdherī rātoñ meñ Dhāras degī āvāz tirī

dil mirā daulat-e-duniyā kā talabgār nahīñ
ba-ḳhudā ḳhāk-nashīnī se mujhe aar nahīñ

go ki baaqī nahīñ kaifiyyat-e-tūfān-e-shabāb
phañs ke janjāl meñ duniyā ke ye qissa huā ḳhvāb

magar afsos ye duniyā hai maqām-e-ibrat
rañj kī yaad dilātā hai ḳhayāl-e-rāhat

ḳhair duniyā meñ kabhī soz hai aur kabhī hai saaz
naunihālān-e-chaman kī rahe ab umr darāz

tamannā hai ki duniyā mujh se yaksar nuur ho jaa.e
ye tārīkī simaT kar ek din kāfūr ho jaa.e

hasīnān-e-jahāñ ke Dhañg duniyā se nirāle haiñ
ki hote haiñ ye dushman dost ke aur dost dushman ke