Tags-Duniya

saarī duniyā ko hai ġhalat-fahmī
mujh pe to mehrbān hai pyāre

kār-e-mushkil hī kiyā duniyā meñ gar maiñ ne kiyā
par na us be-rahm ke dil meñ guzar maiñ ne kiyā

itnī bhī burī na thī jo maiñ ne
duniyā ko zarā sā haT ke dekhā

jab yaad koī aa jaatī hai yuuñ dil kī kalī khil jaatī hai
jaise ḳhvāboñ kī duniyā meñ bachcha hañs de sote sote

duniyā vāloñ ne chāhat kā mujh ko sila anmol diyā
pairoñ meñ zanjīreñ Dālīñ hāthoñ meñ kashkol diyā

sair-e-duniyā ko aa to jaao magar
vāpsī meñ baḌī musībat hai

ye kāfir but jinheñ da.avā hai duniyā meñ ḳhudā.ī kā
mileñ mahshar meñ mujh aasī ko sadqa kibriyā.ī kā

hayāt insāñ kī sar tā pā zabāñ mālūm hotī hai
ye duniyā inqilāb-e-āsmāñ mālūm hotī hai

kuchh tirī rahmat pe takiya kuchh gunāhoñ kī kashish
varna us duniyā meñ to insān jiine kā na thā

zehn kī āvārgī minnat-kash-e-duniyā na thī
zindagī kā bhī 'mujībī' dhyān jiine kā na thā

marne nahīñ detī hai rihā.ī kī tamannā
duniyā meñ mujhe varna koī kaam nahīñ hai

ulajhte rahne meñ kuchh bhī nahīñ thakan ke sivā
bahut haqīr haiñ ham tum baḌī hai ye duniyā

us ko paane kī koshish meñ jaan tirī halkān hai kyuuñ
duniyā andar se pītal uupar sone kā paanī hai

judā hai ne.mat-e-duniyā se lazzat bosa-e-lab kī
vo jogī ho gayā jis ne ye mohan bhog chakkhā hai

kah rahī hai jinheñ burā duniyā
vo hī ḳhāna-ḳharāb haiñ ham log

aaj duniyā ke sāmne ai 'rāz'
dam-ba-ḳhud lā-javāb haiñ ham log

dil vo sahrā hai jahāñ hasrat-e-sāya bhī nahīñ
dil vo duniyā hai jahāñ rañg hai ra.anā.ī hai

dīd-e-duniyā habāb kī sī hai
us kī ta.abīr ḳhvāb kī sī hai

aish-e-duniyā kī justujū mat kar
ye dafīna milā nahīñ kartā

chāñdnī kā ras piine duur tak nikal jaa.eñ bhuul jaa.eñ duniyā ko
khurdurī sī saḌkoñ par der tak yūñhī ghūmeñ aao phir ġhazal kah leñ