Tags-Duniya

duniyā-dārī saarī dil kī badaulat hai
socho dil bīmār agar ho jaa.e to

duur saarī duniyā se ik nagar basāyā thā
us kā ek raajā thā us kī ek raanī thī

duniyā hai ishva-sāz to maiñ huuñ makīn-e-zāt
ḳhatra nahīñ hai is zan-e-bebāk se mujhe

hamārā naam nāmoñ se alag likkhegī duniyā
ki ham terī mohabbat meñ misālī ho chuke haiñ

manzil-e-duniyā nahīñ ārām-gāh
hai abhī roz-e-qayāmat dekhnā

ek tirā hī dil nahīñ ghāyal dard ke maare aur bhī haiñ
kuchh apnā kuchh duniyā kā ġham dekhne vaale dekhtā jā

kam-nazroñ kī is duniyā meñ der bhī hai andher bhī hai
pathrāyā har dīda-e-pur-nam dekhne vaale dekhtā jā

ab to sab kā tire kūche hī meñ maskan Thahrā
yahī ābād hai duniyā meñ zamīñ thoḌī sī

shāyad thā bayāz-e-shab meñ kahīñ iksīr kā nusḳha bhī koī
ai sub.h ye terī jholī hai yā duniyā bhar kā sonā hai

TuuTe jo ye band-e-hayāt kahīñ is shor-o-shar se najāt mile
maanā ki vo duniyā ai 'afsar' sirf ek lahad kā konā hai

ham ko duniyā ne pārsā samjhā
jab ḳhatā-kosh ho ga.e ham log

daaġh ko chāñd aañsū ko motī zaḳhm ko phuul kaheñ
ham ko bhī andāz sikhā.e duniyā ne kyā kyā

bayāñ karne ko hai tarz-e-tapāk-e-dostāñ kaafī
ab is duniyā meñ kyā rañg-e-ġhurūr-e-dushmanāñ likhiye

fareb-e-husn hai duniyā mirī nazar ke liye
nigāh-e-ishq nahīñ husn-e-rahguzar ke liye

charche tire ḳhulūs ke duniyā meñ kam na the
phir bhī tire karam ke sazā-vār ham na the

aisī taḌap atā ho ke duniyā misāl de
ik mauj-e-tah-nashīñ huuñ mujhe bhī uchhāl de

ye ta.alīm gar mil bhī jaa.e to kyā hai
ye schōl hai ik ḳharāboñ kī duniyā

bāzīcha banī huī hai duniyā
tū chaal chale to maat hove

mujhe pā ke bazm-e-tasavvur meñ tanhā vo palkoñ kī chilman girātī to hogī
baḌe pyaar se phir bahut hī lagan se vo ḳhvāboñ kī duniyā sajātī to hogī

duniyā kā nasīb likhne vaale
us ke sāñvle hāthoñ meñ