Tags-Duniya

mahrūm hai nāma-dār-e-duniyā
paanī se tihī habāb dekhā

sharāb-e-shor se labrez hai duniyā kā paimāna
harīf-e-dīn-o-dānish hai mazāq-e-pīr-e-mai-ḳhāna

tum tanhā duniyā se laḌoge
bachchoñ sī bāteñ karte ho

vo jaise duniyā chalā rahā hai
faqat kahe ko nibhā rahā hai

mujhe ma.alūm hai maiñ saarī duniyā kī amānat huuñ
magar vo lamha jab maiñ sirf apnā ho sā jaatā huuñ

ġham duniyā ke yaad jab aa.eñ us kī yaad bhī aane do
ik nashshe meñ aur ik nashsha ai yaaro mil jaane do

fikr-e-duniyā se haiñ chhuTe is rañj-e-jahāñ se paa.ī najāt
laakh tarah kī rāhat paa.ī ik apne mar jaane meñ

duniyā ko ham se kaam na duniyā se ham ko kaam
ḳhātir se terī rakhte haiñ sāre-jahāñ se rabt

ḳhushbū shabnam rañg kī duniyā ek fareb
ġhunche gul buuTe bāġhīche ḳhvāb hī ḳhvāb

vo kahtā hai ki faanī hai ye duniyā
mujhe to jāvedānī lag rahī hai

vo is husn-e-tavajjoh se mile haiñ
ye duniyā pur-ma.ānī lag rahī hai

ġhazal duniyā meñ rahtā huuñ maiñ 'akbar'
ye merī rājdhānī lag rahī hai

masāfat zindagī hai aur duniyā ik sarā.e
to is tamsīl meñ tūfān kā kirdār kyuuñ hai

yuuñ to duniyā-jahān ghūme magar
log ghar se nikal nahīñ paa.e

kiye haiñ ishq aur ulfat ke saare marhale jab tai
to duniyā bhar kī har mushkil ko āsāñ dekh letā huuñ

duniyā meñ DhūñDhte rahe ham rāhateñ abas
duniyā kī rāhateñ to haiñ tere itaab meñ

terā dard salāmat hai to marne kī ummīd nahīñ
laakh dukhī ho ye duniyā rahne kī jagah ban jaa.e hai

sab kuchh mujhe 'ḳhayāl' kī duniyā meñ mil gayā
lekin tumhāre husn-e-nazar kī kamī rahī

ik sabz shāḳh gulāb kī thā ik duniyā apne ḳhvāb kī thā
vo ek bahār jo aa.ī nahīñ us ke liye sab kuchh haar diyā

duniyā mire ḳhilāf khaḌī kaise ho ga.ī
merī to dushmanī bhī nahīñ thī kisī ke saath