Tags-Duniya

hijratoñ ke silsile baaqī haiñ duniyā meñ abhī
lekin ab DhūñDe se bhī milte nahīñ ansār dekh

dam ke dam meñ duniyā badlī bhiiḌ chhaTī kohrām uThā
chalte chalte saañs rukī aur ḳhatm huā afsāna bhī

ek hī pal meñ jā pahuñchā duniyā se paar
Dūbne vaalā sab se baḌā tairāk huā

dānā.ī kī duniyā tañg hai pechīda hai
yā-rab kuchh āsānī kar nādānī phailā

tumhāre raaz jo ifshā hue haiñ duniyā par
nahīñ ye kaam tumhārā to kaam kis kā hai

yaad aatā nahīñ kuchh bhī ki yahāñ duniyā meñ
kaun sī chiiz nahīñ dekhī magar kyā dekhā

kho ga.e bhiiḌ meñ duniyā kī par ab tak 'shohrat'
sansanā uTThā hai jī jab koī un sā dekhā

us ne jo dil se nikālā hai kidhar jā.ūñ 'ḳhalīl'
saarī duniyā meñ yahī ek Thikānā thā mujhe

jaise sub.h ko sūraj nikle shaam Dhale chhup jaa.e hai
tum bhī musāfir maiñ bhī musāfir duniyā ek sarā.e hai

hai chaar din kī zindagī ḳhush rah ke āḳhir ke ta.iiñ
duniyā se jaanā hai guzar koī kuchh kaho koī kuchh kaho

garmī ke zulm se ye
duniyā dahak rahī thī

us ke haath meñ haath liye aur dhuup chhāñv meñ chaltā huā
yuuñ lagtā thā saarī duniyā jaise mere saath huī

chale duniyā se jis kī yaad meñ ham
ġhazab hai vo hameñ bhūlā huā hai

qadam rok mat pīchhe muḌ ke na dekh
ye āvāz kam-baḳht duniyā kī hai

duniyā meñ apnī aap magan ham haiñ is tarah
apnoñ kā kuchh ḳhayāl na rishtoñ kā paas hai

ye ajab silsila-e-qaid-e-nazar hai ki 'nadīm'
har nazar apnī hī duniyā kī tamāshā.ī hai

duniyā bhī sukūñ se kabhī rahne nahīñ detī
nauha bhī kabhī apnoñ kā likkhā nahīñ jaatā

duniyā ko rū-shanās-e-haqīqat na kar sake
ham jitnā chāhte the mohabbat na kar sake

bad-gumānī sirf merī zaat se
maiñ to vo kahtā huuñ jo duniyā kahe