Tags-Duniya

tū nahīñ thā to ye raunaq bhī kahāñ thī pahle
tere aane se hī gulzār huī hai duniyā

apnī palkoñ se jhaTakte hue kuchh ḳhvāboñ ko
le ke añgḌā.iyāñ bedār huī hai duniyā

kuchh dinoñ se ye ḳhabar guuñj rahī hai 'mohsin'
ek shā.ir kī talabgār huī hai duniyā

aadmī chauñk chukā hai magar uTThā to nahīñ
maiñ jise DhūñDh rahā huuñ ye vo duniyā to nahīñ

maiñ us ke sāmne uryāñ lagūñgī duniyā ko
vo mere jism ko merā libās kar degā

bahut tarsī hai duniyā tere hashr-e-rū-numā.ī ko
batā ab ye talab ham aur kis imkān meñ rakh leñ

duniyā ye ghūmtī rahe parkār kī tarah
ik dā.era zamīñ pe banānā paḌā mujhe

ab qurb-o-ba.ad meñ na rahā koī fāsla
duniyā simaT ke aa ga.ī mere makān par

kyā hai duniyā ke ḳharābāt meñ vahshat ke sivā
mujh meñ ābād mire shahr-e-asātīr ko dekh

mire alfāz kī duniyā kī kabhī sair to kar
ham se kuchh ḳhāk-nashīnoñ kī bhī jāgīr ko dekh

ik hijr-zada bābul piyārī tire jāgte bachchoñ se haarī
ai shā.er kis duniyā meñ hai tū tirī tanhā duniyā ghar meñ hai

duniyā meñ khapā.e saal ka.ī āḳhir meñ khulā ahvāl yahī
vo ghar kā ho yā bāhar kā har dukh kā mudāvā ghar meñ hai

itnī baḌī duniyā meñ ik un kā sahārā thā
jab vo hī nahīñ ham-dam phir 'soz' kidhar jā.ūñ

kabhī kabhī to ye lagtā hai jaise ye duniyā
badal rahī ho mire dil kī vārdāt ke saath

ġham-e-duniyā ġham-e-jānāñ ġham-e-manzil ġham-e-rāh
kitne ġham ziist ke hamrāh chalā karte haiñ

falak ke haath se ai ḳhāliq-e-ḳhalq
kui nahīñ aa ke duniyā meñ rahā ḳhush

jo ham pe aisā na kār-e-duniyā kā jabr hotā
to ham bhī rahte yahāñ junūñ iḳhtiyār kar ke

tirī haqīqat-pasand duniyā meñ aa base haiñ
ham apne ḳhvāboñ kī saarī raunaq nisār kar ke

chāk-e-dil se jhāñkiye duniyā idhar se diin udhar
dekhiye sab kā tamāshā is shigāf-e-dar se aap

naf-o-zarar-e-duniyā duniyā hī pe maiñ chhoḌā
ab ishq kā ai yaaro bevpār hai aur maiñ huuñ