Collections

Lab Shayari

Motivational Ghazals

Best Khamoshi Shayari

More Collections

Tags-Duniya

ḳhuub duniyā hai ki sūraj se raqābat thī jinheñ
un ko hāsil kisī dīvār kā saaya na huā

aandhiyan aati thin lekin kabhi aisa na hua

diloñ meñ duniyā basā.e hue to phirte ho
ḳhayāl rakhnā ki duniyā ke saath diin bhī hai

guman to Thik main kaise kahun yaqin bhi hai

ai aah merī ḳhātir-e-vābasta ke sivā
duniyā meñ koī uqda-e-mushkil nahīñ rahā

arz-e-niyaz-e-ishq ke qabil nahin raha

dil se hamdam ne rah-e-ulfat meñ ye dhokā diyā
kyā kare ab koī duniyā meñ bharosā yaar kā

pani pani ho gaya josh abr-e-dariya-bar ka

ham badalte haiñ ruḳh havāoñ kā
aa.e duniyā hamāre saath chale

hum badalte hain ruKH hawaon ka

samundar ke kināre mil rahe haiñ
ye duniyā āb-jū hotī rahegī

suKHan ki shab lahu hoti rahegi

na vo hogā na ham lekin ye duniyā
harīs-e-rañg-o-bū hotī rahegī

suKHan ki shab lahu hoti rahegi

zamāne se alag thī merī duniyā
maiñ us kī dauḌ meñ shāmil nahīñ thā

zamane se alag thi meri duniya

ai lailī-e-nahufta o ai husn-e-sharmagīñ
tujh par nisār daulat-e-duniyā matā-e-dīñ

apni malka-e-suKHan se

kahāñ milte haiñ duniyā ko kahāñ milte haiñ duniyā meñ
hue the jo atā ahl-e-suḳhan ahl-e-nazar tujh ko

dayar-e-dagh-o-beKHud shahr-e-dehli chhoD kar tujhko

tujhe markaz kahā jaatā thā duniyā kī nigāhoñ kā
mohabbat kī nazar se dekhte the sab nagar tujh ko

dayar-e-dagh-o-beKHud shahr-e-dehli chhoD kar tujhko

terī duniyā jise hairat se sabhī dekhte haiñ
dekh kar mujh ko bahut dañg huī hai is baar

zehn aur dil mein ajab jang hui hai is bar

duniyā meñ sar uThā ke kahāñ tak chaleñge ham
duniyā se sharmsār to tū bhī hai maiñ bhī huuñ

furqat se ham-kanar to tu bhi hai main bhi hun

murattab kar gayā ik ishq kā qānūn duniyā meñ
vo dīvāne haiñ jo majnūñ ko dīvāna batāte haiñ

hazaron tarah apna dard hum usko sunate hain

tujh pe ilzām-e-mohabbat na lagā de duniyā
aa ke turbat pe yuuñ aañsū na bahā mere ba.ad

koi mahrum-e-mohabbat na raha mere baad

duniyā ke saath diin kī begār al-amāñ
insān aadmī na huā jānvar huā

duniya ke sath din ki begar al-aman

mohabbat meñ ye hai dastūr-e-duniyā
zarā sī baat ko ifshā na karnā

qalam ho jae sar parwa na karna

samajh meñ aatī nahīñ sard-mehrī-e-duniyā
kisī ke siine meñ ġham kā sharār bhī to nahīñ

kali pe rang gulon par nikhaar bhi to nahin

balā kī ḳhūbsūrat hai ye duniyā
ise ghar se nikal kar dekhnā thā

nae mausamon main Dhal kar dekhna tha

tujhe dil meñ biThānā chāhtā huuñ
na.ī duniyā basānā chāhtā huuñ

tujhe apna banana chahta hun