Tags-Duniya

ye naf.a-ḳhoroñ kī dānish-farosh duniyā hai
matā-e-ilm kī jins-e-hunar kī ḳhair manāo

saarī duniyā se alag vahshat-e-dil hai apnī
ye ki lagtī hai na ghar kī na bayābāñ vaalī

duniyā kā va diiñ kā ham ko kyā hosh
mast aa.e va be-ḳhabar ga.e ham

riit bhī apnī rut bhī apnī
dil rasm-e-duniyā kyā jaane

dasht-dar-dasht phirā kartā huuñ pyāsā huuñ maiñ
aur duniyā ye samajhtī hai ki dariyā huuñ maiñ

nazr deñ nafs-kush ko duniyā-dār
vaah kyā terī be-niyāzī hai

chhin ga.e taḳht bādshāhoñ ke
tañg duniyā hai shāh-zādoñ par

vo to duniyā ko mirī dīvāngī ḳhush aa ga.ī
tere hāthoñ meñ vagarna pahlā patthar dekhtā

uTh ga.e duniyā se lekin ek duniyā ho ga.e
bulbule paanī ke the TuuTe to dariyā ho ga.e

duniyā samajh rahī hai kī us ne bhulā diyā
sach ye hai us ko ab bhī mirā intizār hai

kyuuñ maiñ ne us ke pyaar meñ duniyā ujaaḌ lī
is baat se vo shaḳhs bahut sharmsār hai

rañg-e-duniyā kitnā gahrā ho gayā
aadmī kā rañg phīkā ho gayā

ibārat hai shu.ūr-e-zindagī se
na ye duniyā na vo duniyā alag hai

go ye rakhtī nahīñ insān kī hālat achchhī
phir bhī sau kaam se duniyā ke mohabbat achchhī

'shakīl' duniyā meñ jis ko dekhā kuchh us kī duniyā hī aur dekhī
hazār naqqād-e-zindagī haiñ magar koī nukta-ras nahīñ hai

sard ho jaatī hai fikr-e-jāh-e-duniyā jis ke ba.ad
vo zarā sā hai ḳhayāl ai dil ki phir kyā is ke ba.ad

sūrat-e-harf-e-ġhalat miT ga.e ham tā ki sadā
lauh-e-duniyā pe rahe naam tumhārā marqūm

tumhī to sar pe biThā.e hue the duniyā ko
tumhī pe bhauñk rahī hai tumhārī paalī huī

tujh ko dilbar jo banāyā to banāyā ham ne
varna ma.alūm hai duniyā ko haqīqat terī

badal rahe haiñ zamāne ke rañg kyā kyā dekh
nazar uThā ki ye duniyā hai dekhne ke liye