Tags-Duniya

duniyā kī īlā-billā Thasī paḌī hai mujh meñ
haañ kuchh kaam kī chīzeñ bhī haiñ is kabāḌ-ḳhāne meñ

bharī duniyā hai sisakne meñ jhijak hogī tumheñ
ye mirā dil hai idhar ro lo idhar koī nahīñ

aap kyā rokeñgi iz.hār-e-sadāqat se mujhe
aap ko duniyā kā Dar hai maiñ ḳhudā ke Dar meñ huuñ

shahzād'-qamar dekh rahā hai vahī duniyā
ḳhānoñ meñ jahāñ ziist ne baT kar nahīñ dekhā

tire qurbān 'bāsit' aur 'bāsit' kī har ik duniyā
bahār-e-vahshat-e-āshufta-hālāñ dekhne vaale

ab pashīmān haiñ duniyā vaale
ḳhud hī maslūb kiyā thā mujh ko

rāsta roke hue kab se khaḌī hai duniyā
na idhar hotī hai zālim na udhar hotī hai

marġhūb ho gar tum ko umūmī shābāsh
har tarah karo daulat-e-duniyā kī talāsh

dushvār bahut ye manzil thī mar miT ke tah-e-turbat pahuñche
har qaid se ham āzād hue duniyā se alag ab rahnā hai

qātil hai jo merā vahī apnā sā lage hai
duniyā se judā ho ke vo duniyā sā lage hai

ai duniyā tere raste se haT jā.eñge
āḳhir ham bhī apne sāmne DaT jā.eñge

kī hai zāhid ne aap duniyā tark
yā muqaddar meñ us ke thī hī nahīñ

baḳhshish hai terī haath meñ duniyā liye hue
maiñ chup khaḌā huuñ dīda-e-bīnā liye hue

duniyā kā rañj hai na to uqbā kī fikr hai
yuuñ be-niyāz ho ga.e donoñ-jahāñ se ham

shab-e-visāl tire dil ke saath lag kar bhī
mirī luTī huī duniyā tujhe pukārtī hai

yahī bahut hai kisī tarah se bharam hī rah jaa.e pesh duniyā
agar mayassar nahīñ hai baada ḳhayāl-e-bāda bhī kam nahīñ hai

jab se kholī hai aañkh duniyā meñ
ek hī dhun savār rahtī hai

yahī dekhā hai 'shāhid' tīsrī duniyā ke mulkoñ meñ
ki akasr qaum patlī aur leader fat hotā hai

hazāroñ zulm hoñ mazlūm par to chup rahe duniyā
agar mazlūm kuchh bole to dahshat-gard kahtī hai