Tags-Duniya

agarche dastaras meñ āgahī hai saarī duniyā
magar dil kī taraf bhī ek dar vā ho gayā hai

dil vaale haiñ ham rasm-e-vafā ham se milī hai
duniyā meñ mohabbat ko baqā ham se milī hai

kyā ek hī mehvar pe hai Thahrī huī duniyā
vo jab bhī milī hai to ḳhafā ham se milī hai

duniyā merī muTThī meñ
logoñ ko bahkā ke dekh

zindagī phuslā ke laa.ī yaañ hazār afsos aah
phañs ga.e be-tarah is duniyā ke dar ḳhullāb ham

mahfil-e-soz o saaz hai duniyā
hāsil-e-soz o saaz haiñ ham log

maiñ na samjhā varna hañgāmoñ bharī duniyā meñ ik aahaT ke sañg
koī to thā aaj jis kā qahqaha dil meñ hai dāman-gīr-e-dil

vaar duniyā ne kiye mujh par to 'amjad' maiñ ne is ghamsān meñ
apnā siina chiir kar rakh dī niyām-e-harf meñ shamshīr-e-dil

har roz nayā ek tamāsha huā jaarī
ārā.ish-e-duniyā meñ jo uljhā.e ga.e log

duniyā meñ darindoñ ko baḌe faḳhr se bhejā
har zulm pe phir sabr se samjhā.e ga.e log

pyaar ke chashmoñ kā paanī jab se khārā ho gayā
saarī duniyā ghir ga.ī hai nafratoñ ke qahr meñ

ne.amateñ duniyā kī sab mil jaatī haiñ
maañ nahīñ miltā magar terā badal

rasm-e-duniyā yuuñ badal saktī nahīñ
kab 'sahar' tujh se kahā tanhā badal

us ko samjhī hai na samjhegī majāzī duniyā
hai haqīqat hī haqīqat mire afsāne meñ

maiñ jāntā huuñ us ke sabhī bhed sabhī bhaav
duniyā ne kabhī raqs kiyā thā mire aage

maiñ ishq ke ādāb zarā siikh luuñ pahle
baiThegī adab se yahī duniyā mire aage

ḳhushī ke vāste paidā huā hai kaun duniyā meñ
magar ham bhī ahl-e-dard ke shāyāñ nahīñ hotā

nigāh-e-ahl-e-dil se inqalāb aa.e haiñ duniyā meñ
yaqīñ rakh ishq itnā be-sar-o-sāmāñ nahīñ hotā

'firāq' ik ik se baḌh kar chāra-sāz-e-dard haiñ lekin
ye duniyā hai yahāñ har dard kā darmāñ nahīñ hotā

dekhtī hai hameñ duniyā use rokā jaa.e
saath rahte haiñ mohabbat to nahīñ kī ga.ī hai