Tags-Duniya

bahut mard-e-maidāñ bhī duniyā meñ dekhe shujā.at pe nāzāñ bhī duniyā meñ dekhe
magar choT sah jaa.e tīr-e-nazar kī ye dil ye kalejā kisī kā na dekhā

rāh-rau aur bhī duniyā meñ haiñ 'arshad' lekin
merī hī raah meñ paḌte haiñ samundar saare

be-ḳhud mujhe ai jalva-e-jānāna banā de
duniyā mirī hairat ko tamāshā na banā de

jise kahtī hai duniyā kāmyābī vaa.e nā-dānī
use kin qīmatoñ par kāmyāb insān lete haiñ

dekhe gar ġhaur se duniyā hai ġhaflat kā tilism
ye bhī ḳhvāb-e-ishq hai furqat se bedārī nahīñ

har taraf se ye sadā aatī hai mulk-e-husn meñ
ye vo duniyā hai jahāñ rasm-e-vafādārī nahīñ

sameTūñ ḳhud ko to duniyā ko haath se chhoḌūñ
asāsa jamā karūñ maiñ to ḳhud bikhar jā.ūñ

ai be-ḳhudī salām tujhe terā shukriya
duniyā bhī mast mast hai uqbā bhī mast mast

raas aane lagī duniyā to kahā dil ne ki jā
ab tujhe dard kī daulat nahīñ milne vaalī

duniyā mushā.era hai so zaḳhmoñ kī daad ho
ham aa.e chand sher sunā.e nikal ga.e

maidāñ meñ haar jiit kā yuuñ faisla huā
duniyā thī un ke saath hamārā ḳhudā huā

qānūn nahīñ koī fitrat ke sivā
duniyā nahīñ kuchh numūd-e-tāqat ke sivā

kaheñ kis se ho ga.ī hai yahīñ aa ke ḳhatm duniyā
ki nahīñ hai koī manzil haram-e-butāñ se aage

umr to apnī huī sab but-parastī meñ basar
naam ko duniyā meñ haiñ ab sāhib-e-islām ham

bhūlā hai dīn-o-duniyā aadmī
ḳhāssa hai ye butoñ kī yaad kā

nigāhoñ meñ haiñ kis ke āriz-e-gul-rañg ke jalve
ki duniyā gulistāñ-dar-gulistāñ ma.alūm hotī hai

yuuñ khul ke sar-e-ām na mil mujh se mire dost
duniyā meñ hai zinda abhī sāzish kā irāda

na vaa.iz hajv kar ek din duniyā se jaanā hai
are muñh sāqi-e-kausar ko bhī āḳhir dikhānā hai

mire is kār-e-be-masraf ko kyā samjhegī ye duniyā
mirī ye sa.i-e-lā-hāsil har ik hāsil se aage hai

terī duniyā meñ to aa.e haiñ payambar lākhoñ
kaun is fauj kā sardār hai maiñ jāntā huuñ