Tags-Duniya

hañstī-gātī huī duniyā kī tabāhī kā sabab
havas-e-dirham-o-dīnār hai maiñ jāntā huuñ

maiñ apnī marzī se is duniyā meñ huā kab thā
ma.ānī ye haiñ ki mujh ko jahāñ meñ honā paḌā

be-niyāzī to milā kartī hai duniyā se 'ḳhayāl'
tum kisī taur na tajdīd-e-ġham-e-zāt karo

har bachcha āñkheñ kholte hī kartā hai savāl mohabbat kā
duniyā ke kisī goshe se use mil jaa.e javāb to achchhā ho

tire shān-e-karam kī laaj rakh lī ġham ke māroñ ne
na hotā ġham to is duniyā meñ har banda ḳhudā hotā

bantī hai sañvartī hai bikhar jaatī hai duniyā
uḌtī huī miTTī sī guzar jaatī hai duniyā

hote haiñ sabhī ḳhauf-zada chāñd-gahan se
ḳhud apne hī saa.e se bhī Dar jaatī hai duniyā

āvāz koī detā hai sadiyoñ ke safar se
ik pal ke liye jaise Thahar jaatī hai duniyā

shāyad yahī umroñ kī mashaqqat kā samar hai
bāhoñ meñ thakan ban ke utar jaatī hai duniyā

aatī hai koī yaad kabhī chāñd pahan kar
āñkhoñ meñ kisī shaam nikhar jaatī hai duniyā

ḳharīdārī hai shahd o shiir o qasr o huur o ġhilmāñ kī
ġham-e-dīñ bhī agar samjho to ik dhandā hai duniyā kā

ye kyā tilism hai duniyā pe baar guzrī hai
vo zindagī jo sar-e-rahguzār guzrī hai

ḳhush-gumānī meñ hai duniyā us ko bad-zan dekh kar
mujh se lekin us kī vaj.h-e-bad-gumānī aur hai

yuuñ to ghar hī meñ simaT aa.ī hai duniyā saarī
ho mayassar to kabhī ghuum ke duniyā dekho

tumhārī āñkheñ tum vahīñ to baste ho
ek jism ko duniyā ne tumhārā naam diyā

na badalnā thā na badlā dil-e-shaidā apnā
rañg har vaqt badaltī rahī duniyā apnā

har bachcha āñkheñ kholte hī kartā hai savāl mohabbat kā
duniyā ke kisī goshe se use mil jaa.e javāb to achchhā ho

kar rahī hai jo mire aks ko dhundlā 'sarvat'
maiñ ne duniyā kī koī baat na maanī hogī

sab kahte haiñ markaz-e-badī hai duniyā
kis kī mardūd kī huī hai duniyā

ġham kisī kā ho gayā 'rāġhib' nasīb
varna is duniyā meñ kyā hai mustaqil