Tags-Duniya

ye jalva-zār-e-duniyā bhī ajab ā.īna-ḳhāna hai
ki har tasvīr hairat-āfrīñ ma.alūm hotī hai

chalo duniyā meñ mahkā.eñ mohabbat
bashar ko aao sikhlā.eñ mohabbat

duniyā se hue baiThe ho rū-posh ai jaanā
jalva bhī sar-e-ām hai pur-josh ai jaanā

ḳhizāb karte haiñ duniyā se jab ga.e guzre
shugūn karte haiñ piirī meñ rū-siyāhī kā

azal se vā.izo ke qaul duniyā suntī aa.ī hai
amal kā vaqt bhī koī kabhī ai mehrbāñ hogā

us ke shar se maiñ sadā māñgtā rahtā huuñ panāh
isī duniyā se mohabbat bhī balā kī hai mujhe

maiñ huuñ aur afsurdagī kī aarzū 'ġhālib' ki dil
dekh kar tarz-e-tapāk-e-ahl-e-duniyā jal gayā

hai 'asad' begāna-e-afsurdagī ai bekasī
dil z-andāz-e-tapāk-e-ahl-e-duniyā jal gayā

fātima-zahra ke dil-doz tahammul kī qasam
azmat-e-rafta se duniyā meñ charāġhāñ kar deñ

kuchh der to duniyā mire pahlū meñ khaḌī thī
phir tiir banī aur kaleje meñ gaḌī thī

zindagī se siikh liiñ ham ne bhī duniyā-dāriyāñ
rafta rafta tum meñ bhī mauqa.a-parastī aa ga.ī

maiñ ek or khaḌā huuñ hisār-e-duniyā ke
vo jis kī zid meñ khaḌā huuñ udhar na rah jaa.e

jo apnī duniyā basā chukā hai use bhī mushkil kā sāmnā hai
kahāñ se shams-o-qamar ugaa.e kahāñ se lail-o-nahār laa.e

baḌe dil-kash haiñ duniyā ke ḳham o pech
nazar meñ zulf sī lahrā rahī hai

ḳhud ko dhutkār diyā maiñ ne to is duniyā ne
merī auqāt se baḌh kar mirī izzat kī hai

gosha-e-rañj meñ... hañgāma-e-duniyā se pare
kaun ik hijr ke shīshe meñ utartā thā

itnī rañgīn jo duniyā hai tirī hī to hai
kis tarah kufr kareñ ham yahāñ tauba kar ke

vo ek ḳhema-e-shab jis kā naam duniyā thā
kabhī dhuāñ to kabhī chāñdnī sā lagtā thā

saath un ke merī duniyā bhī ga.ī
aah vo duniyā se merī kyā ga.e

mohabbat mustaqil ik ġham hai jis ko jāntā huuñ maiñ
mirī duniyā meñ koī bhī nahīñ hai shādmāñ shāyad