Tags-Duniya

sab kī baat dohrānā yuuñ to rasm-e-duniyā hai
lutf aur hai lekin apnī baat karne meñ

sūraj hai nayā chāñd nayā taare na.e haiñ
ye kyā pas-e-duniyā hai jo ham dekh rahe haiñ

baqā kī jañg meñ ḳhud se falak se duniyā se
maiñ laḌ rahā huuñ tamannā kī Dhaal thāme hue

bhulāne baiThī huuñ saarī duniyā dhaḌak rahā hai vo mere dil meñ
jo dūriyāñ haiñ samundaroñ kī vo fāsla hai bas ik sadā kā

'soz' ishrat meñ saath thī duniyā
par dam-e-mushkilāt ruuTh ga.ī

hameñ tere sivā is duniyā meñ kisī aur se kyā lenā-denā
ham sab ko javāb nahīñ dete ham sab se savāl nahīñ karte

dikhā deñge 'azīz' anjām-e-duniyā
abhī to ḳhair dhokā khā rahe haiñ

kyūñki ham duniyā meñ aa.e kuchh sabab khultā nahīñ
ik sabab kyā bhed vaañ kā sab kā sab khultā nahīñ

qaa.em hai umiid par hī duniyā
hal hogā ye mas.ala kabhī to

maut kī sun ke ḳhabar pyaar jatāne aa.e
rūThne duniyā se jo ham yaar manāne aa.e

karte ho fikr ġhāfilo kyā ghar ke vāste
duniyā meñ sab muqīm haiñ dam bhar ke vāste

kahāñ vo naġhmoñ meñ soz-e-mutrib kahāñ vo aish-o-tarab kī duniyā
kahāñ vo pahlā sā kaif baaqī sadā-e-chang-o-rabāb meñ hai

duniyā azīz-tar rahī ik arsa-e-darāz
lekin ab is kī bhī to mohabbat nahīñ rahī

ek rañg-o-nūr kī duniyā hai mere sāmne
sochtā huuñ is ḳharābe meñ koī apnā bhī hai

ġharq kar de tujh ko zāhid terī duniyā ko ḳharāb
kam se kam itnī to har mai-kash ke paimāne meñ hai

isī dil ko bharī duniyā ke jhagḌe jhelne Thahre
yahī dil jis ko duniyā-dār bhī karte nahīñ bantā

geñd sī hai be-vazn ye duniyā merī Thokar meñ
maiñ jo kahūñ tum is ko uchchhālo jur.at mat karnā

koī kisī kā miit nahīñ hai duniyā kahtī aa.ī hai
ham ne jis ko apnā jaanā vaqt pe vo anjān huā

ishq karnā jo sīkhā to duniyā baratne kā fan aa gayā
kārobār-e-junūñ aa gayā hai to kār-e-jahāñ aa.e haiñ

dār-o-gīr-e-duniyā ko ai 'kalīm' kyā kahne
bas ki is zamāne meñ ḳhāmushī hai goyā.ī