Tags-Duniya

tere har ravayye meñ bad-gumāniyāñ kaisī
jab talak hai duniyā meñ e'tibār-e-duniyā kar

aane lagī hai ye sadā duur nahīñ hai shahr-e-gul
duniyā hamārī raah meñ kāñTe bichhā chukī bahut

lutf duniyā meñ nahīñ takrār meñ
lekin un ke bosa-e-ruḳhsār meñ

shaad ho jaatī hai duniyā ai ruupe
kyā karāmat hai tirī jhankār meñ

ek ātish-kada hai ye duniyā
jis meñ sadiyoñ se jal rahā huuñ maiñ

hote hoñge is duniyā meñ arsh ke da.avedār buland
pastī ke ham rahne vaale nikle āḳhir-e-kār buland

duniyā ke kārobār se matlab nahīñ 'majīd'
dil ko ḳhayāl-e-yār se bahlā rahe haiñ ham

hone do charāġhāñ mahloñ meñ kyā ham ko agar dīvālī hai
mazdūr haiñ ham mazdūr haiñ ham mazdūr kī duniyā kaalī hai

na haarā hai ishq aur na duniyā thakī hai
diyā jal rahā hai havā chal rahī hai

badaltī jā rahī hai karvaToñ par karvaTeñ duniyā
kisī sūrat nahīñ khultā jahān-e-rañg-o-bū kyā hai

ik umr se duniyā kā hai bas ek hī aalam
ye kyā ki falak rañg badaltā hī nahīñ hai

mirī betāb dhaḌkan ko bhī aa jaatā qarār āḳhir
mire ḳhvāboñ kī duniyā ko sajā dete to achchhā thā

vo jo duniyā se guzar jaate haiñ
koī batlā.e kidhar jaate haiñ

ham ko jiine nahīñ degī duniyā
ham chalo saath meñ mar jaate haiñ

in dinoñ zehn kī duniyā meñ hai masrūf bashar
dil kī tahzīb ga.ī dard kā bevhār gayā

zindagī ik ḳhvāb hai ye ḳhvāb kī tābīr hai
halqa-e-gesu-e-duniyā paañv kī zanjīr hai

tujhe ye mo.ajiza bhī maiñ dikhā saktī huuñ duniyā meñ
jo tū chāhe tirī taqdīr ho jā.ūñ ijāzat hai

bahut hasīñ hai ye duniyā magar zavāl ke saath
ḳhudā se hashr meñ husn-e-zavāl pūchhūñgā

yahīñ kisht-e-tamannā hai yahīñ hai mazra-e-uqbā
isī do din kī duniyā meñ hai saarā imtihāñ apnā

duniyā kī talab hai to qanā.at hī na karnā
qatre hī se ḳhush ho to samundar na milegā