Tags-Duniya

sun liye bikhre hue ġham maiñ ne rātoñ ke tamām
haa.e ai duniyā abhī tak tū nahīñ pahchānī mujhe

tārāj nasheman khel sahī sayyād magar itnā sun le
jab ishq kī duniyā luTtī hai ḳhud husn kā mātam hotā hai

rahī dil kī dil meñ zabāñ tak na pahuñchī
mohabbat kī duniyā bayāñ tak na pahuñchī

vo afsāne kiyā hai chāñd tāroñ kā safar jin meñ
ye duniyā ek dhundlī geñd aatī hai nazar jin meñ

ye to duniyā hai tasalsul kā amal jaarī hai
bolne vaale chale jaa.eñ to ghar boltā hai

duniyā vāloñ ne jiine kī sharheñ kaThin lagā.ī thiiñ
ḳhushbū ban kar phail ga.e ham bādal ban kar chhā.e ham

vo jis ke husn kī tārīḳh tum ne ḳhud hī likkhī thī
vahī tasvīr kyuuñ duniyā ko dikhlāne nahīñ dete

ḳhamoshī naam se jānegī duniyā
ye laḌkī is qadar chup-zāt hogī

vaa.iz kamāl-e-tark se miltī hai yaañ murād
duniyā jo chhoḌ dī hai to uqbā bhī chhoḌ de

maiñ har ik haal meñ thā gardish-e-daurāñ kā amiiñ
jis ne duniyā nahīñ dekhī mirā chehra dekhe

banda huuñ tirā zabān-e-shīrīñ
duniyā mamnūn ho ga.ī hai

duniyā ke haiñ na diin ke dilbar ke ho ga.e
ham dil se kalma-go kisī kāfir ke ho ga.e

ġham itne uThā.ūñgā ki duniyā
ḳhud ko kahne lage ye aadmī hai

hai zindagī asīr-e-adam jāntā huuñ maiñ
duniyā tire fareb meñ aane se maiñ rahā

kalām-e-'yās' se duniyā meñ phir ik aag lagī
ye kaun hazrat-e-'ātish' kā ham-zabāñ niklā

vo jis ke liye maiñ ne duniyā sajā.ī
vo zālim hī merā ḳhatāvār hogā

ho jo duniyā ke liye amn-o-sukūñ kā zāmin
aisā paiġhām sunāo to koī baat bane

jin ke hoñToñ se hañsī chhīn lī duniyā ne 'ashok'
un ko siine se lagāo to koī baat bane

tum husn kī ḳhud ik duniyā ho shāyad ye tumheñ mālūm nahīñ
mahfil meñ tumhāre aane se har chiiz pe nuur aa jaatā hai

umīdoñ kī duniyā na ho jaa.e vīrāñ
fareb-e-tajassus na de duur ho kar