Tags-Duniya

koī to degā sadā harf-e-haq kī duniyā meñ
hamāre muñh meñ hamārī zabāñ rahe na rahe

hameñ to laḌnā hai duniyā meñ zālimoñ ke ḳhilāf
qalam rahe koī tīr-o-kamāñ rahe na rahe

ek kiran bas raushniyoñ meñ sharīk nahīñ hotī
dil ke bujhne se duniyā tārīk nahīñ hotī

is liye ashk bahātā huuñ dam-e-fikr-e-suḳhan
ki hamesha raheñ duniyā meñ ye jaarī bāteñ

apne āshiq kī soḳht par pyāre
kabhū kuchh dil tirā bhī jaltā hai

phir na ā.eñge nazar aise muqaddas chehre
jo baqā baḳhsheñ unheñ duniyā meñ vo kaam karo

isī aalam meñ mire ḳhvāboñ kī duniyā bhī hai
merī duniyā ko bhī vaqt ek payambar degā

tere liye sab chhoḌ ke terā na rahā maiñ
duniyā bhī ga.ī ishq meñ tujh se bhī gayā maiñ

ik dhoke meñ duniyā ne mirī raa.e talab kī
kahte the ki patthar huuñ magar bol paḌā maiñ

ab dekhtā huuñ raah meñ duniyā sajī hoī
ab terā intizār nahīñ kar rahā huuñ maiñ

ishq in zālimoñ kī duniyā meñ
kitnī mazlūm zaat hai ai dil

aur bedār chal ki ye duniyā
shātiroñ kī bisāt hai ai dil

ta.alluq dil kā kyā baaqī maiñ rakkhūñ bazm-e-duniyā se
vo dilkash sūrateñ ab anjuman-ārā nahīñ hotīñ

guuñj uTThe koī khoī huī duniyā shāyad
mire ḳhaliyoñ meñ vo āvāz lagā kar dekhe

hai us kā sarāpā dīda-e-tar duniyā ko magar kyā is kī ḳhabar
sab ke liye āñkheñ hañstī haiñ mere liye kājal rotā hai

bhale mil jaa.e daulat aur shohrat ham ko duniyā meñ
magar dil ko mohabbat kī kamī achchhī nahīñ lagtī

bas aur kuchh bhī nahīñ chāhtā thā maiñ tum se
zarā sī chiiz thī duniyā kahīñ chhupā laate

aur koī duniyā hai terī jis kī khoj karūñ
zehn meñ phir ik samt bikherī rāhguzar Daalī

jis se fitne bapā hoñ duniyā meñ
aise ġhāfil ko hoshiyār na kar

ba-juz haq ke nahīñ hai ġhair se hargiz tavaqqo kuchh
magar duniyā ke logoñ meñ mujhe hai pyaar se matlab