Tags-Duniya

muntazir jis kī duniyā rahī der tak
duur se koī aatā huā kaun thā

dil aur duniyā donoñ ko ḳhush rakhne meñ
apne-āp se duurī to ho jaatī hai

juuñ jale hai sham.a kā musht-e-zar aur tasbīh-e-ashk
jis tarah sarkash kā hai duniyā ḳharāb aur diiñ ḳharāb

duniyā kī zabānoñ pe rahe ḳhauf ke taale
bas haq to mire lahja-e-be-bāk se niklā

saarī duniyā meñ ghanī raat kā sannāTā thā
sehn-e-zindāñ meñ mile sub.h ke āsār mujhe

hamāre ḳhvāb salāmat raheñ tumhāre saath
ye baat kaafī hai duniyā kī niiñd uḌāne ko

mujh ko is baat par hañsī aa.ī
duniyā jaisā kahā gayā thā mujhe

duniyā se kaho zarā sā Thahre
is vaqt ārām kar rahā huuñ

the haq pe vo be-shak ki na hote to na hotā
duniyā meñ bapā mātam-e-'shabbīr' abhī tak

ye durveshoñ kī duniyā hai karishme is ke dekho
jahāñ se hī nahīñ ḳhud se bhī uktāo to aao

merā honā tirī duniyā meñ na hone jaisā
lauh-e-hastī pe se ik harf miTāyā huā maiñ

ī.zā.en ye paa.ī haiñ maqdūr agar hotā
maiñ rasm-e-ta.ashshuq ko duniyā se uThā jaatā

kaisā taarā TuuTā mujh meñ
jhāñk rahī hai duniyā mujh meñ

maiñ kaise jiyūñ gar ye duniyā har aan na.ī tasvīr na ho
ye aate jaate rañg na hoñ aur lafzoñ kī tanvīr na ho

duniyā meñ aaj mujh ko balāoñ kā Dar nahīñ
har lamha merī maañ kī duā mere saath hai

na jaane kaun sī duniyā se bārhā kis ne
ajab zabān meñ kuchh ittilā.eñ bhejī haiñ

ḳhud bhī miT jā.ūñ ye duniyā bhī miTātā jā.ūñ
bas yahī sūrat-e-ta.amīr nazar aa.ī hai

duniyā ne 'zeb' mujh ko kahīñ kā nahīñ rakhā
lekin maiñ chup huuñ zaat meñ kohrām hone tak

is duniyā se un kā rishta ādhā-adhūrā hai
jin logoñ tak ḳhvāboñ kī sauġhāt nahīñ aa.ī

jaane kyā rañg 'rabāb' ab unheñ degī duniyā
kis qadar dard se labrez haiñ ash.ār tire