Tags-Duniya

kyā hasīn duniyā thī
jise tum ne lafzoñ se dāġhdār kar diyā

ab ḳhaak qadam majbūroñ kī barsā.egī duniyā par sonā
ab atlas kī qismat hogī pairāhan-e-mehnat-kash honā

isī liye to ye duniyā dhulī dhulī sī lage
tire firāq meñ ro.e haiñ zār-zār abhī

marne ke liye shauq se jiinā kyā hai
kyā kahiye zamāne se ki duniyā kyā hai

na kyuuñ Thukrā.eñ ham duniyā ko 'sāhir'
hameñ bhī us ne Thukrāyā bahut hai

ghaTtā rahtā huuñ maiñ vīrān havelī kī tarah
bhāgtā phirtā hai hañgāma-e-duniyā mujh se

dil-e-ḳhalq meñ tuḳhm ehsāñ ke bo le
yahī kisht-e-duniyā kā hāsil rahegā

uTh gayā kahte haiñ dīvāna 'yaqīn' duniyā se haa.e
un ne kyā ābād kar rakkhā thā vīrāne ke ta.iiñ

ik tirī diid chhin ga.ī mujh se
varna duniyā meñ kyā nahīñ baaqī

bas ek hī mausam kā tasalsul hai ye duniyā
kyā hijr-zada ḳhvāb-e-javānī se nikalte

kiyā hai ye tuġhiyāñ mire ashk ne
ki bahte haiñ duniyā meñ naale paḌe

kahā maiñ ne hisār-e-zāt meñ ye nafs kī duniyā
javāb aayā ki sab kuchh haar kar tasḳhīr hotī hai

mire ḳhudā mirī duniyā hī ḳhatm kar denā
agar duāoñ ko merī tū be-asar karnā

ye terā merā jhagḌā hai duniyā ko biich meñ kyuuñ Dāleñ
ghar ke andar kī bātoñ par ġhairoñ ko gavāh nahīñ karte

na pūchh ai mire ġham-ḳhvār kyā tamannā thī
dil-e-hazīñ meñ bhī ābād ek duniyā thī

baġhair samt ke chalnā bhī kaam aa hī gayā
fasīl-e-shahr ke bāhar bhī ek duniyā thī

vo baat kar jise duniyā bhī mo'tabar samjhe
tujhe ḳhabar hai zamāna badaltā jaatā hai