Tags-Duniya

ik musāfir ke safar jaisī hai sab kī duniyā
koī jaldī meñ koī der se jaane vaalā

daulat shohrat hikmat vaale sab haiñ tere dam ke saath
duniyā terī saarī raunaq chhoḌ ke baiThe ham hī the

duniyā ham se letī kyā aur ham duniyā ko dete kyā
sab the sīdhe-sāde buzdil āḌe-tirchhe ham hī the

ab vafā kā subūt kyā duuñ maiñ
saarī duniyā kaho bhulā duuñ maiñ

justujū jis kī thī us ko to na paayā ham ne
is bahāne se magar dekh lī duniyā ham ne

ek ġhazal kahte haiñ ik kaifiyyat taarī kar lete haiñ
yuuñ duniyā par aglī chaḌhā.ī kī tayyārī kar lete haiñ

afsar-e-duniyā saḳht sahī 'farhat-ehsās' haiñ āḳhir ham bhī
daftar meñ bhī apnī sī kuchh kār-guzārī kar lete haiñ

duniyā jo na maiñ chand nafas ke liye letā
jannat kā ilāqa mirī jāgīr meñ aatā

saarī duniyā meñ bas ik tum se hī
ab mulāqāt nahīñ ho paatī

is ek moḌ pe tanhā hamīñ akele haiñ
ki pichhle moḌ pe duniyā bhī saath thī yaaro

vahī be-mehrī-e-duniyā kī shikāyat hai jo thī
vahī be-kaifī-e-hālāt chalī jaatī hai

kaun kahāñ par jhūTā niklā kyā batlāte ham
duniyā kī tafrīh thī is meñ hameñ ḳhasārā thā

pyaar mohabbat hamdardī ke rishte the insānoñ meñ
dil vāloñ ko ab ye duniyā zindāñ hotī jaatī hai

insānoñ ke ḳhuuñ ke pyāse aur nahīñ ḳhud insāñ haiñ
aql bichārī dekh ke duniyā hairāñ hotī jaatī hai

banda tire vajūd kā munkir nahīñ magar
duniyā ne kyā diye haiñ sabaq ai ḳhudā na pūchh

dard kī sūrat meñ vo umda sā tohfa de gayā
bevafā duniyā meñ jiine kā sahārā de gayā

saarī duniyā ek din yuuñ hī fanā ho jā.egī
jalte jalte ek parvāna ishāra de gayā

'mahshar' is tāroñ kī duniyā meñ mudām
chāñd kī mānind ham tanhā rahe

duniyā tujhe maiñ dekhūñ to kin āñkhoñ se dekhūñ
ik shaḳhs ke chehre se naqāb utre haiñ kitne

mahz bekār na samjheñ mujhe duniyā vaale
zindagī hai to koī kaam bhī kar jā.ūñgā