Tags-Duniya

jab bhī parkhegā koī pyaar ke me.ayār 'qatīl'
saarī duniyā mire pasañg dikhā.ī degī

tere hote hue aa jaatī thī saarī duniyā
aaj tanhā huuñ to koī nahīñ aane vaalā

zabāñ kyuuñ kholte ho jurm ye duniyā hai ulfat kī
ishāroñ hī ishāroñ meñ yahāñ sab kaam hotā hai

ek insān huuñ insāñ kā parastār huuñ maiñ
phir bhī duniyā kī nigāhoñ meñ gunahgār huuñ maiñ

basar kī is tarah duniyā meñ goyā
guzārī jail meñ chakkī chalā ke

is jhuuT kī daldal se bāhar bhī nikal aate
duniyā meñ bhī sar uThtā aur ghar bhī sambhal jaatā

ḳhatm kitnā kār-e-duniyā kar chale
aur kitnā kār-e-duniyā rah gayā

nahīñ duniyā ko jab parvā hamārī
to phir duniyā kī parvā kyuuñ kareñ ham

dil kī duniyā meñ saverā sā nazar aatā hai
hasrateñ jaag uThī haiñ tire aa jaane se

san kar bayān-e-dard kaleja dahal na jaa.e
duniyā se Dar rahe the ki duniyā badal na jaa.e

to aaj tak to hai mirī nazroñ meñ hū-ba-hū
duniyā badal ga.ī tirī sūrat badal na jaa.e

uThte baiThte ronā dhonā ashkoñ se duniyā ko Dubonā
'nūh' ye hai tūfān kī shiddat kis kī badaulat dil kī badaulat

banāo vo kirdār apnā ki duniyā
ye soche zamīñ par hai koī sitāra

'kaif' tujh ko duniyā ne kyā se kyā banā Daalā
yaar ab tire muñh par rañg hai na paanī hai

paal hī rakkhī thī jab daulat-e-duniyā kī havas
kaise phir sabr-o-qanā.at pe guzāra hotā

bhūle se koī naam vafā kā nahīñ letā
duniyā ko abhī yaad hai anjām hamārā

ai dāvar-e-mahshar le dekh aa.e tirī duniyā
ham ḳhud ko bhī kho baiThe vo bhiiḌ thī mele meñ

kise apnā kaheñ duniyā meñ yārab
koī monis koī hamdam nahīñ hai

tamām a.asāb par taarī hai nasrī nazm duniyā kī
magar 'ehsās'-sāhab kī ġhazal-ḳhvānī nahīñ jaatī

terī duniyā kī bhiiḌ meñ maulā
ḳhud hī apnā ḳhayāl rakkhā hai