Tags-Dushman

apne andar chhupe hue dushman kā hai ehsās jinheñ
merī tarah vo log bhī apne aap se Darte rahte haiñ

ham ne pilāyā ḳhuun har ik inqalāb ko
ham ko hī inqalāb kā dushman kahā gayā

dil ki mujassam ā.īna-sāmāñ
aur vo zālim ā.īna-dushman

qātil rahbar qātil rahzan
dil sā dost na dil sā dushman

dushman-e-amn siyāsat kā sahārā le kar
shahar meñ ghūmte haiñ aag lagāne ke liye

'jalāl' us ko banāyā us ne dushman
qayāmat meñ adū hai aur maiñ huuñ

us se dushman hī nahīñ maut bhī katrā.egī
jis ne bhī bāñdh liyā sar se kafan dānista

jitne bhī ahl-e-siyāsat haiñ vatan-dushman haiñ
sab ne phūñkā hai mohabbat kā chaman dānista

na koī dost na dushman ajiib duniyā hai
ye zindagī hai ki tanhā.iyoñ kā sahrā hai

jab apnā saaya hī dushman hai kyā kiyā jaa.e
yahī to zehn kī uljhan hai kyā kiyā jaa.e

ābād ḳhayāl us kā shādāñ rahe yaad us kī
ik dushman-e-dil aayā ik āfat-e-jāñ aa.ī

mere to apne ravayye hī mire dushman haiñ
jo bhī miltā hai vo jiine kī duā detā hai

sahm jaatā huuñ lutf-e-dostāñ se
ki dushman ho to Dar kuchh bhī nahīñ hai

dushman se ghabrānā abas hai ġhair se Darnā bhī lā-hāsil
kul kā ghātak ghar kā bhedī ek vibhīshan bhaa.ī bahut hai

vo kam-suḳhan to mirā dushman-e-suḳhan niklā
ġhazal se ḳhush na huā masnavī se ḳhush na huā

kyā zarūrī hai ki maiñ naam bhī luuñ
merā dushman koī apnā hī sahī

vo dushman-e-jāñ jaan se pyārā bhī hameñ hai
rūThe vo agar us ko manānā to paḌegā

vo merī jaan kā dushman sahī magar sayyād
mirī kahī huī bātoñ pe kaan dhartā hai

dushman na kudūrat se mire sāmne ho jo
talvār ke laḌne ko mire kiijo havāla

dushman o dost ke liye chāhiye shukr-e-teġh-e-nāz
kaun hai qatl-gāh meñ aaj jo surḳh-rū nahīñ