Tags-Dushman

aa mirī jaan ke dushman tirī tādīb karūñ
terā har vaar lagā ġhair dilerāna mujhe

marg-e-dushman kī aarzū hī sahī
dil se nikle kisī tarah to ġhubār

ye soch kar na phir kabhī tujh ko pukārā dost
dushman kā dost ho nahīñ saktā hamārā dost

kuchh to hai zikr se dushman ke jo sharmāte haiñ
vahm meñ Daal diyā un kī hayā ne ham ko

ai mire dushman-e-jāñ
maiñ tujhe aur to kuchh kah nahīñ saktā lekin

dil ko har lahza hī dī aql pe ham ne tarjīh
yār-e-jānī ko kahāñ dushman-e-jānī karte

apnā dushman ho agar kuchh hai shu.ūr
intizār-e-vāda-e-fardā na kar

pahuñchā thā teġh khīñche mujh tak jo bole dushman
kyā mārtā hai us ko ye aaphī mar rahā hai

zinda the dushman to mujh ko bāzuoñ pe naaz thā
aañkh ko un ke guzar jaane pe tar maiñ ne kiyā

jañg aḳhlāq-o-mohabbat se bhī ho saktī hai
apne dushman pe na talvār uThāo yaaro

tujh se ai zindagī ghabrā hī chale the ham to
par tashaffī hai ki ik dushman-e-jāñ rakhte haiñ

maiñ paspā fauj-e-dil kā āḳhirī zaḳhmī sipāhī huuñ
magar ik umr se dushman ko tanhā gher rakkhā hai

jāñ-nashīñ se dushman tak saare rishte nātoñ ko pheñk deñ samundar meñ
lahr lahr bedārī kī hasīñ ridā oḌheñ aao phir ġhazal kah leñ

ajnabī nazroñ ke shole har taraf phaile hue
dushman-e-jāñ raah o manzil kāḳh-o-kū maiñ aur tū

mil ke us se huā mirā dushman
dekh kyā saḳht bevafā hai dil

ai dost farāmosh ye hai haal hamārā
āmīn kahā karte haiñ dushman kī duā par

zulf-o-ruḳhsār-o-nazar haiñ dushman-e-īmān-o-dīñ
lūTne nikle haiñ vo le kar dhuāñ battī charāġh

nikāle kaam apnā ḳhauf kī vo parvarish karke
mire dushman ko mujh meñ koī aisā Dar nahīñ miltā

kar ga.e kis qadar tabāh 'ziyā'
dushman andāz-e-dostī se mujhe

jis ko dekho vo hai vafā-dushman
kis se ahd-e-vafā kare koī