Tags-Dushman

tamām shahr hai dushman to kyā hai mere liye
maiñ jāntā huuñ tirā dar khulā hai mere liye

mujhe dushman se apne ishq sā hai
maiñ tanhā aadmī kī dostī huuñ

jo pūchhe mujh sā hai koī bad-zan kaho na ahvāl-e-vasl-e-dushman
ye maiñ ne maanā ki tum ho pur-fan ilaaj kyā chashm-e-sharmgīñ kā

mujhe dushman se bhī ḳhuddārī kī ummīd rahtī hai
kisī kā bhī ho sar qadmoñ meñ sar achchhā nahīñ lagtā

jī jāntā hai kyūñki ye kaTte haiñ roz o shab
dushman ko bhī ḳhudā na kabhī ye dikhā.e din

maiñ na kahtā thā ki bahkā.enge tum ko dushman
tum ne kis vāste aanā mire ghar chhoḌ diyā

ajab hī dushman se dostī kī ki shakl ab hai ye zindagī kī
laboñ pe chakkī hai jāñ-kanī kī paḌe haiñ behosh nīm-jāñ se

nazar lag ga.ī mere dushman kī mujh ko
qayāmat huā ruuTh jaanā kisī kā

dil pe dard-e-ishq kā ek ek ehsāñ haa.e haa.e
jaan kī sūrat meñ koī dushman-e-jāñ haa.e haa.e

maiñ ne kahā thā ab kyā hogā dushman sar par aa pahuñchā hai
us ne kahā thā ġhaar ke muñh par lākhoñ jaale tane hue haiñ

maiñ ne kahā thā aaj na jaa.eñ ghoḌe behad thake hue haiñ
us ne kahā thā jaanā tai hai dushman pīchhe lage hue haiñ

gardish-e-daurāñ muḳhālif hai na hai dushman falak
barsar-e-paikār mujh se merī qismat ho to ho

sab dost maslahat ke dukānoñ meñ bik ga.e
dushman to pur-ḳhulūs adāvat meñ ab bhī hai

dushman ke kaam karne lagā ab to dost bhī
tū ai raqīb darpai-e-āzār hai abas

aap kā dost hai ye apnī baġhal kā dushman
yaad dilvā.e vahīñ dil ne jo ham bhuul ga.e

is rañg se uThā.ī kal us ne 'asad' kī na.ash
dushman bhī jis ko dekh ke ġhamnāk ho ga.e

dushman ke zaḳhmoñ pe marham aap lagā.eñ baḌh-chaḌh kar
jiit se gar vāqif ho jaa.eñ jiit manāne vaale log

gar dushmanī pe dost ne bāñdhī mire kamar
dushman hai ab jo koī mirā dost-dār hai

shab ko mirā janāza jā.egā yuuñ nikal kar
rah jā.eñge sahar ko dushman bhī haath mal kar